Азиндырратә факультет

Ахырхарҭа-Аиуриспруденциа

Аушьҭымҭа изанааҭдырра (иҩаӡара) – абакалавр. Аҵара анормативтә ҿҳәара: 4 шықәса.

Аиуриспруденциа абакалавр иусура азырхоуп азинтә нормақәа рынагӡареи ауаажәларра рыԥсҭазаара еиуеиԥшым аусхкқәа рҿы азинеиҿкаара аиқәыршәареи.

Аушьҭымҭа изанааҭтә усура аобиектқәа иреиуоуп:

- аиуристтә ҵакы змоу ахҭысқәеи ахымҩаԥгашьеи

- аҳәынҭқарратә институтқәа русура аусхк аҟны ицәырҵуа азинтә еизыҟазаашьақәа

- аҳәынҭқарратә усбарҭақәеи, ахатәхаҿқәеи, аиуристтә хаҿқәеи рыбжьара азинтә еизыҟазаашьақәа.

Аиуриспруденциа абакалавр идыруазароуп:

- азакәанқәеи егьырҭ анормативтә зинтә актқәеи реилыркаареи рхархәареи; - аусураҿы азакәанԥҵара ақәныҟәара алыршара

аҳәынҭқарратә усбарҭақәеи, ахатәхаҿқәеи, аиурист хаҿқәеи

- афактқәеи аҭагылазаашьақәеи зинла ииашаны аквалификациа рзура

-азинтә ҟазшьа змоу адокументқәа аус рыдулара, анормативтә актқәа рзинтә експертиза амҩаԥгара, ззанааҭдырра ҳараку азиндырратә лкаақәеи аконсультациақәеи рыҭара; - азинтә ӡбамҭақәа рыдкылареи азакәан инақәыршәаны даҽа зиндырратә усқәак рымҩаԥгареи

- азинеилагарақәа рфактқәа раартреи рышьақәыргылареи, ахара зду рҭакԥхықәреи рахьырхәреи рзы ауснагӡатәқәа ралкаареи; еилагоу азинқәа реиҭашьақәыргыларазы иахәҭоу ауснагӡатәқәа рымҩаԥгареи

- инеиԥынкыланы рзанааҭтә квалификациа аизырҳара, азакәанԥҵареи уи ахархәара апрактикеи рыҭҵаара, иҷыдоу алитература азхьаԥшра.

Аиуриспруденциа абакалавр амагистратураҿы иҵара ацҵара дазыҟаҵоуп.