Астипендиақәа

Атесттә нҵамҭа

1.1. Абри Аԥҟарақәа аус рыдулоуп нанҳәамза 30, 2006 шықәсазы Аԥсны Ахада Иҭижьыз Аусԥҟа No Уп 107 "Аԥснытәи аҳәынҭқарратә университет автономтә статус аҭаразы", рашәарамза 5, 2007 шықәсазы Аԥснытәи аҳәынҭқарратә Университет Аԥҟаԥҵәа инақәыршәаны.

1.2. Абри адкылара Аԥҟарақәа Аԥснытәи аҳәынҭқарратә университет (анаҩс – ААУ) ахь Аԥсны атәылауаа рыдкылара ҳәаақәырҵоит (анаҩс-атәылауаа, иҭало ахаҿқәа, абитуриентцәа), аҳәаанырцәтәи атәылауаа, атәылауаҩра змам ахаҿқәа, аҳәаанырцә иҟоу ҳџьынџьуаагьы уахь иналаҵаны (анаҩс - аҳәаанырцәтәи атәылауааи, иҭалоз ахаҿқәеи, абитуриентцәеи), ареспубликатә харџь ала иреиҳаӡоу азанааҭтә ҵара ихадоу арҵаратә программақәа рыла аҵаразы Аԥсны Аҳәынҭқарра абиуџьети (Аԥсны Аҳәынҭқарра Ахада ишьақәирӷәӷәаз адкылара агәаҭаратә цифрақәа инарықәыршәаны) аиуристтә хаҿқәеи (мамзаргьы) ахатәхаҿқәеи аҵара ахәԥса ашәаразы аиқәшаҳаҭрақәеи рыла (анаҩс – аҵара ахәԥса ахә ахшәааразы аиқәшаҳаҭра) (ААУ ишьақәыргылоу аԥҟарала ишьақәырӷәӷәоу адкылара агәаҭараТӘ цифрақәа инақәыршәаны.
Абри Аԥҟарақәа рыла иҳәаақәҵам ААУ адкылара азҵаарақәа Ҳәаақәырҵоит Аао аҭыԥантәи анорматив-зинтә актқәа рыла.
Иара убас даҽа тәылауаҩрак змоу Аԥсны Аҳәынҭқарра атәылауаҩ Аԥсны Аҳәынҭқарра датәылауаҩны ауп дшахәаԥшуа, Аԥсны Аҳәынҭқарра азакәанԥҵара иазԥхьагәанаҭо ахҭысқәа рыда.

1.3. ААУ актәи акурс ахь адкылара мҩаԥысуеит аконкурстә шьаҭала абакалавриат апрограммақәа, аспециалист иазыҟаҵара апрограммақәа, аспециалитети амагистратуреи рыпрограммақәа рыла аҵаразы. ААу ахь адкылареи ААО ахь аҵаразы амагистратура апрограммақәа рыла аҵареи рзы аҩбатәи акурс ахь аиагареи мҩаԥыргаӡом.