Афизико-математикатә факультет

АМАТЕМАТИКА

Аушьҭымҭа изанааҭдырра-абакалавр, анормативтә ҿҳәара-4 шықәса

Аматематика абакалавр аматематикатә методқәеи акомпиутертә технологиақәеи зхы иазырхәо ахырхарҭақәа рҿы аусура анагӡара иазырхиоуп; апроцессқәеи аобиектқәеи рматематикатә модельқәа раԥҵареи рхархәареи; аԥсабарадырреи, атехникеи, аекономикеи, анапхгараҭареи рхыдҵақәа рыӡбаразы хра злоу аматематикатә методқәа аус рыдулара; анаука-ҭҵааратә, апроект - конструктортә, ахархәара-напхгаратә усура апрограмма-напхгараҭаратә еиқәыршәара. Аушьҭымҭа изанааҭтә усура обиектқәаны иҟоуп анаука-ҭҵааратә центрқәа, анапхгараҭаратә усбарҭақәа, аҵаратә усҳәарҭақәа, ааглыхратә аарыхра.

 АФИЗИКА

Аушьҭымҭа изанааҭдырра-абакалавр, анормативтә ҿҳәара-4 шықәса

Афизика абакалавр афундаменталтәи азанааҭтәи зыҟаҵара зҭаху аусура дазыҟаҵоуп, анаука-ҭҵааратә усуреи арҵаҩратә усуреи уахь иналаҵаны.

Аушьҭымҭа изанааҭтә усура аусхкқәа иреиуоуп аҵараиурҭақәа, анаука-ҭҵааратә институтқәа, алабораториақәа, Аконструктортәи апроекттәи биуроқәеи афирмақәеи, аарыхратә наплакқәа, иреиҳаӡоу, абжьаратә иҷыдоу аҵарадырра аусбарҭақәа.

АХАРХӘАРАТӘ МАТЕМАТИКЕИ АИНФОРМАТИКЕИ

Аушьҭымҭа изанааҭдырра-абакалавр, анормативтә ҿҳәара-4 шықәса

Абакалавр аматематика аметодқәеи акомпиутертә технологиақәеи зхы иазырхәо ахырхарҭақәа рҿы аҭҵааратә усура анагӡара иазырхиоуп; апроцессқәеи аобиектқәеи рматематикатә модельқәа раԥҵареи рхархәареи; аҭҵаарадырреи, атехникеи, аекономикеи, анапхгараҭареи рхыдҵақәа рыӡбаразы ҳаамҭазтәи аматметодқәеи апрограмматә еиқәыршәареи аус рыдулареи рхархәареи; апроект-конструктортә, анапхгараҭаратә, афинанстә усураҿы аинформациатә технологиақәа рхархәара. Аушьҭымҭа изанааҭтә усура аусхкқәа иреиуоуп анаука-ҭҵааратә центрқәа, аҳәынҭқарратә напхгараҭаратә усбарҭақәа, аҵаратә усҳәарҭақәа, еиуеиԥшым ахатәтәратә формақәа реиҿкаарақәа, ахархәаратә математика аметодқәеи акомпиутертә технологиақәеи русураҿы зхы иазырхәо.