Аиҵбыратә классқәа рырҵаҩца рыквалификациа аизырҳаразы акурсқәа

Аԥснытәи аҳәынҭқарратә университет  аҟны аусура иалагеит  Аԥсны  ашколқәа рҟны аиҵбыратә классқәа рырҵаҩцәа рыквалификациа  аизырҳаразы акурсқәа.  Уи еиҿкаан  ААУ  аҟны иҟоу  аквалификациа аизырҳареи  акадрқәа реиҭазыҟаҵареи р-Центри Аԥсны Аҳәынҭқарра Аҵареи абызшәатә политикеи рминистрреи раԥшьгарала.
Акурсқәа мҩаԥыслоит рашәарамза  6 инаркны 17-нӡа.
Иахьатәи ашьақәыргыларатә сессиа  ахь ааԥхьара рыман: ақ.Аҟәа, Гагра, Гәдоуҭа, Аҟәа араионқәа рырҵаҩцәа. Акурсқәа рыҽрыладырхәит зынӡа 52-ҩык.
Ишьақәырӷәӷәан арҵагатә план апрограмма, еиқәыршәан алекциақәа реихшанҵа.  Акурсқәа мҩаԥгахоит  алекциақәеи, аиҿцәажәарақәеи, атренингқәеи рформала.
Ашьақәыргыларатә сессиа иахысыз рзы ихымԥадатәиуп арефератқәа  разырхиара, уи ҽҳәарас иамоуп цәыббрамза 20-нӡа  2022 ш.
ААУ  аҟны иҟоу аквалификациа аизырҳареи акадрқәа реиҭазыҟаҵареи рҳәынҭқарратә  Центр  анапхгаҩы Медеиа Ченгелиа иазгәалҭеит,  қәҿиарала  акурсқәа хзыркәшаз, адҵақәа зегьы назыгӡаз ишрыҭахо аквалификациа  зырҵабыргуа "Аршаҳаҭга".
Аусмҩаԥгатә рхы аладырхәит: ААУ  аҭҵаарадырра аҟәша апроректор Џь. И. Адлеиба, апедагогикатә факультет адекан Л. Гь. Бениа,  апедагогикатә факультет апрофессор-рҵаҩратә еилазаара.