Анаука-культуратә центр. Иу. Воронова

Иу. Воронов ихьӡ зху анаука-культуратә центр - иналукааша аԥсуа археолог, аҭоурыхҭҵааҩ, ауаажәларратә усзуҩ Иури Николаи-Иԥа Воронов иҭҵаарадырратәи икультуратәи ҭынха аиқәырхареи, аҭҵаареи, аларҵәареи знапы алаку анаука-рккаратә плошьадка.

Ацентр еиднакылоит анаука-ҭҵааратә, амузеитә, аҵаратә, акультура-рккаратә усура. Араҟа аҵарауаҩ иархивтә материалқәа аус рыдулара мҩаԥысуеит, аҭҵаарадырратәи арккаратәи усмҩаԥгатәқәа еиҿыркаауеит, ахәыҷқәеи аҿари рзы арҵаратә программақәа нагӡахоит, иара убас иҿиоит амемориалтә музеи "Иасочка".
Иури Николаи — Иԥа Воронов (1941-1995) - Аԥсны ажәытәтәи абжьарашәышықәсатәи аҭоурых аҭҵаараҿы злагала дуу еицырдыруа археолог, аҭоурыхҭҵааҩ, апублицист, ауаажәларратә усзуҩы.

Акыр шықәса инеиԥынкыланы иара археологиатә ҭҵаарақәа мҩаԥигон, аекспедициақәа дрылахәын, ажәытә баҟақәеи аҭоурых-культуратә ҭынха аиқәырхара азҵаарақәеи ҭиҵаауан. Воронов хыԥхьаӡара рацәала аҭҵаарадырратә усумҭақәеи, ашәҟәқәеи, акьыԥхьымҭақәеи дравторуп. Уи иҭҵаарақәа Аԥсны археологиа аҭҵаара аҵакы змоу хәҭаны иаанхоит.
Иу. Воронов ихьӡ зху анаука-культуратә центр Иу.Воронов иархив асистематизациа азнауеит, ацифрахь иианагоит, аҵарауаҩ имшынҵақәа, исалам шәҟәқәа уҳәа идокументқәа еиқәнархоит. Ацифратә архиви аматериалқәа ррезервтә копиақәеи раԥҵаразы аусура мҩаԥысуеит.

Ацентр иара убасгьы "Вороновтәи аизга" изаамҭанытәиу аҭыжьымҭақәа разырхиара, Иу. Воронов зеиуа маҷу иҭҵаарадырратә усумҭақәа акомментариқәа рыманы реиҭаҭыжьра иаҿуп, аконференциақәеи аҭҵаарадырратә проектқәеи ирылахәуп.

Ацентр аусура акрызҵазкуа хәҭоуп амемориалтә музеи"Иасочка". Араҟа иаанхоит Иу. Воронов иԥсҭазаареи иҭҵаарадырратә усуреи ирыдҳәалоу амаҭәарқәеи, адокументқәеи, егьырҭ аматериалқәеи.

Аспециалистцәа амузеитә маҭәарқәа ринвентаризациеи рыҭҵаарадырратә хцәажәареи мҩаԥыргоит, аиҭашьақәыргылара зҭаху аобиектқәа шьақәдыргылоит, амузеитә експозициа аҿиара аус адырулоит.
Аус ауеит ахәыҷтәы археологиатә клуб, уи алахәылацәа археологиа ашьаҭақәа еилыркаауеит, алекциақәа ирҭаауеит, адәынтәи апрактика иалахәуп, археологиатәи аматериалқәа камерала аус рыдулара аметодқәа рнапаҿы иааргоит.

Апроект "PRO-Археологиа" аҳәаақәа ирҭагӡаны имҩаԥысуеит аҵарауааи аспециалистцәеи злахәу алекциақәа, иара убас ареставрациеи 3D-модельҟаҵареи рзы амастер-классқәа.
Аҭаацәарақәа рзы «Аԥсшьарамш Аклуб» аҳәаақәа ирҭагӡаны аекскурсиақәа еиҿыркаауеит, урҭ раан алахәылацәа Аԥсны археологиатә баҟақәеи аҭоурых-культуратә ҭынхеи ирабадыруеит.
Аҵакы змоу апроектқәа ируакуп аҵарауаа, арҵаҩцәа, астудентцәа, амузеитә специалистцәа, аҭҵааҩцәа еидызкыло есышықәсатәи "Вороновтәи аԥхьарақәа". Аусмҩаԥгатәқәа реихшьаалақәа рыла иҭыҵуеит аҭҵаарадырратә материалқәа реизга.

Анаука-культуратә центр аусура Иу. Воронова аҵарауаҩ иҭҵаарадырратә ҭынха аиқәырхареи аамҭакала иус — Аԥсны аҭоурыхи, археологиеи, акультуратә ҭынхеи рыҭҵаара ацҵареи иазырхоуп. Уи иусура иалнаршоит аҭоурыхтә гәалашәара аиқәырхара адагьы, Аԥсны археологиеи аҭоурыхи ирызку адыррақәа абиԥара ҿыцқәа ирзыманшәаланы рыҟаҵара.