Д.И. Гәлиа ихьӡ зху аҭҵаарадырратә библиотека

Ҳмиссиа аабоит ауниверситет аҿы аҵареи аҭҵаарақәеи рыдгылараҿы аинформациеи ҳаамҭазтәи амаҵзурақәеи рахь анеиразы иахәҭоу аҭагылазаашьақәа раԥҵарала, анаука-ҵарадырратә информациатә ресурсқәа рхархәареи ауниверситет иашьашәалоу апотенциал аҿиареи дырҵарала.

1932 шықәсазы Аҟәатәи ареалтә ҵараиурҭа ашәҟәытә фондқәеи Аҟәатәи аҳәынҭқарратә қыҭанхамҩатә институти рышьаҭала ишьаҭаркын Аҟәатәи Аҳәынҭқарратә рҵаҩратә институт абиблиотека, уи 1979 шықәсазы Аԥсны Аԥснытәи аҳәынҭқарратә университет аҭҵаарадырратә библиотеканы иҟаҵан. 2004 шықәсазы лара илыхҵан аԥсуа литература апатриарх Д. Гәлиа.

Актәи акатегориа иаҵанакуа абиблиотека.

3000-ҩык инареиҳаны аԥхьаҩцәа рымаҵ ауеит.

Азеиԥш ҵакыра - 1750 кв. м.

Аԥхьарҭатә зал аҿы 100 ҭыԥк.

Автоматизациа зызуу абиблиотека-библиографиатә система - аелектронтә каталог (1000 инареиҳаны анҵамҭақәа).

Ашәҟәытә фонд 552.895 екземплиар ыҟоуп.

Абиблиотека есышықәса иаиуеит ажурналқәеи агазеҭқәеи - Урыстәылатәи афедерациаҟынтәи 80 инареиҳаны ахьӡқәа, 14 - аҭыԥантәи.

ААУ аҭҵаарадырратә библиотека астатус ҳаракы адгылара иашьҭоуп. Абиблиотека аколлектив апрофессионалтә приоритет-анаука-ҵарадырратә ресурсқәа рнеира алыршара, ауниверситет иаҭаху ҳаамҭазтәи аинформациатә маҵзурақәа рыдгалара ауп.

Ихадоу ауснагӡатәқәа:

• ахархәаҩцәа рҵаратәи рыҭҵаарадырратәи хазхаҭалатәи рҭахрақәа назыгӡо ҳаамҭазтәи аинформациатә аалыҵқәеи, амаҵзурақәеи раԥҵареи рыдгалареи
• аинформациатә культура аизырҳара, аспирантцәа рыстудентцәа, арҵаҩцәа ринформациатә компетенциақәа рырҿиара
• абиблиотека-информациатә ресурсқәа рышьақәыргылара, ААУ афакультетқәеи егьырҭ аҟәшақәеи рымадара рӷәӷәауа. Ауниверситет аҵаратәи аҭҵаарадырратәи усуразы аресурстә центр аҳасабала абиблиотека аҿиара алыршара
• иҟоу абиблиотекатә фонд аиқәырхареи ахарҭәаареи
• аусура ахырхарҭақәа зегьы реиӷьтәразы анаука-ҭҵааратә, аметодикатә усура (аналитикатә, аиҿкааратә, аконсультациатә) амҩаԥгара. Егьырҭ абиблиотекақәеи ҳареи арҿиаратәи аконструктивтәи еизыҟазаашьақәа ҳабжьаҵара
• аусзуҩцәеи аԥхьаҩцәеи русуразы иманшәалоу аҭагылазаашьақәа раԥҵара.