Жәларбжьаратәи аҟәша | Аԥснытәи аҳәынҭқарратә университет

Аҟәша аиҳабы: Адлеиба Анна Валери-Иԥҳа

Аусура аграфик: пн-пт, 9.00-17.00, сб-вс-аԥсшьарамш

ААУ жәларбжьаратәи аизыҟазаашьақәа азырхоуп аҵаратә ҵакыра аинтеграциа азура, аҭҵаарадырреи аҵареи русхк аҟны аусеицура аҿиара, аспирантцәеи арҵаҩратә еилазаареи рыҭҵаарадырратә квалификациа аизырҳара, арҵаратә метод ҿыцқәа рыҿиара аԥышәа аимдара, аҵаратә технологиа ҿыцқәа ралагалара, имҩаԥысуа аҭҵаарақәа рзы акьыԥхьымҭақәеи аматериалқәеи налаҵаны, асеминарқәеи аконференциақәеи реиҿкаара, адистанциатә технологиақәа рхархәаралагьы уахь иналаҵаны.

Жәларбжьаратәи аусеицура аҿиаразы ауниверситет аҿы аус ауеит жәларбжьаратәи аҟәша, уи аҳәаанырцәтәи апартниорцәеи иареи русеицуразы аиқәшаҳаҭрақәеи апроектқәеи аус рыдулара иалахәуп; ауниверситет ашьаҭала жәларбжьаратәи анаука-практикатә конференциақәа, асимпозиумқәа, Асеминарқәа, ацәыргақәҵақәа рымҩаԥгараан аиҿкааҩцәа аконсультациатәи аинформациатәи цхыраара риҭоит, аҳәаанырцәҟа ашьҭразы аиҿкааратә усура мҩаԥигоит арҵаҩцәа, аспирантцәа, амагистрантцәа, ауниверситет астудентцәа рҵара ахысразы, рыстажировка ахысразы.

ААУ жәларбжьаратәи аимадарақәа иацхраауеит:

академиатә еиҭаҵралшара аҿиара
аҵарадырра аганахьала аспециалистцәа, арҵаҩцәа, аспирантцәа, астудентцәа реимдара аҭҵаарадырратә стажировкақәеи апрактикеи ркурсқәа рахысра хықәкыс иҟаҵаны
еицырзеиԥшу анаука-ҭҵааратә проектқәеи апрограммақәеи рымҩаԥгаразы апартниорцәа рыԥшаара.

ААУ апартниорцәа рхыԥхьаӡараҿы иҟоуп ааигәатәи ауниверситетқәа (Урыстәыла, Приднестровие, Аахыҵ Уаԥстәыла, Ашьха Ҟарабах) реиԥш аҳәаанырцә харақәагьы (Ҭырқәтәыла, Италиа, Германиа, Швеицариа, Аҩадатәи Кипр, Венесуела).

ААУ аҿы аҵара рҵоит Урыстәыла, Ермантәыла, Украина, Ҭырқәтәыла, Шьамтәыла рҟынтәи аҳәаанырцәтәи астудентцәа.

Жәларбжьаратәи аиқәшаҳаҭрақәа рҳәаа иҭагӡаны урыстәыла иналукааша аҵараиурҭақәеи аҭҵаарадырратә центрқәеи аус рыцура мҩаԥысуеит, иаҳҳәап:

Москватәи аҳәынҭқарратә университет. М. В. Ломоносов
Урыстәыла Адәныҟатәи Аусқәа Рминистрра жәларбжьаратәи аизыҟазаашьақәа рзы москватәи аҳәынҭқарратә институт
Урыстәылатәи аҳәынҭқарратә арҵаҩратә университет. А. И. Герцен
Ажәларқәа реиҩызара урыстәылатәи ауниверситет
Казантәи (Приволжтәи) афедералтә университет
Санкт-Петербургтәи афинансқәа рекономика аҳәынҭқарратә университет
Москватәи аҳәынҭқарратә зиндырратә университет. О. Е. Кутафина
Башкириатәи аҳәынҭқарратә медицинатә университет уб.

ААУ астудентцәеи, аспирантцәеи, аусзуҩцәеи арҭ аҵараиурҭақәа рҿы астажировкақәа ирхысуеит, рзанааҭтә дырра шьҭырхуеит, еиуеиԥшым аҭҵаарадырратә хырхарҭақәа рыла акандидаттәи адоктортәи диссертациақәа нарыгӡоит, ирыхьчоит. Арҭ аҵараиурҭақәа рырҵаҩцәа иааиԥмырҟьаӡакәа ААу астудентцәа алекциақәа ирзаԥхьоит, аспирантцәа напхгара рырҭоит.

1993 шықәса раахыс ААУ Евразиатәи ауниверситетқәа Рассоциациа иалоуп.

2007 ш.иреиҳау аҵараиурҭақәа рыҭҵаарадырратә-ҵарадырратә усура аеффективра аизырҳара хықәкыс иҟаҵаны Аԥсны Аҳәынҭқарра, Ашьха-Ҟарабахтәи Ареспублика, Приднестровиатәи Молдавиатәи Ареспублика, Аахыҵ Уаԥстәыла Ареспублика рҳәынҭқарратә университетқәа иаԥырҵеит зхала зхы алызкааз аҳәынҭқаррақәа руниверситетқәа Рассоциациа. Ассоциациа астратегиатә хықәкқәаны иҟалеит:

Урыстәылатәи Афедерациеи Иар егьырҭ атәылақәеи иаку анаука-ҵарадырратәи агуманитартәи ҵакыра ашьақәыргылара
аҳәынҭқаррақәа жәларбжьаратәи разхаҵара апроблематика аус адулара
жәларбжьаратәи аҵара-методикатә, анаука-ҭҵааратә уҳәа егьырҭ аусеицура ахкқәа реиҿкаара
егьырҭ атәылақәа руниверситетқәа Рассоциациақәеи дареи аҵарадырра, аҭҵаарадырра, акультура, аекологиа, жәларбжьаратәи ашәарҭадареи асоциалтә прогресси рганахьала аусутә еимадарақәа рышьақәыргылара, астудентцәа рзы арҵага шәҟәқәа рҿы ҳажәларқәа рҭоурых аамҭақәа рызхәыцреи раарԥшреи, агуманитартә цикл аус адуларақәеи рзы азнеишьақәа реицусура.

2013 шықәса рзы – Цхинвал имҩаԥысуаз аизара ду алҵшәақәа рыла, зхала зхы алызкааз аҳәынҭқаррақәа руниверситетқәа Рассоциациа ахьӡ рыԥсахырц аӡбра рыдыркылеит иҿыцӡоу ихьыԥшым аҳәынҭқаррақәа ринститутқәа Рссоциациа ҳәа (Аԥсны Аҳәынҭқарреи Аахыҵ Уаԥстәыла Ареспубликеи ихьыԥшым рыстатус азхаҵара инамаданы (26.08.2008)).

2015 шықәса рзы Аԥснытәи аҳәынҭқарратә университет Оксфордтәи Академиатә Еидгыла иалагалоуп, аректор А.а. Гәарамиа ари Аидгыла Ахеилак алахәылас далхуп.

ААУ анаука-ҭҵааратә усура алҵшәақәа рыла имҩаԥысуеит жәларбжьаратәи аҭҵаарадырратә, анаука-практикатә конференциақәа, урҭ рхыԥхьаӡараҿы иҟоуп "Жәларбжьаратәи археологиатә конференциа", "Аҳәынҭқаррақәа жәларбжьаратәи разхаҵара Ҳаамҭазтәи атенденциақәеи апроблемақәеи", "аҭҵаарадырреи, атехникеи, аҵареи рҿы Аинформациатә технологиақәа", "Вузовбжьаратәи астудентцәа рконференциа - "ауаҩы Изинқәа хәшьарак аҳасабала", "Ҳаамҭазтәи Аԥсны асоциал-економикатә ҿиара Апроблемақәеи аперспективақәеи"," Урыстәыла-Кавказ. Апроблемақәеи аперспективақәеи", "Урыстәылеи Аԥсни жәлар рымчра Аконституциатә шьаҭақәа": "Ашьхатә екосистемақәеи урҭ ркомпонентқәеи".