Арегламент ацҵа

Ашколхәыҷқәа Р-Олимпиада алахәылацәа рыпеллиациақәа рынашьҭреи рыхәаԥшреи аԥҟарақәа

"Ақәцәахь амҩа!"аҵарашықәс {{Yarтәи}} азы

I. Азеиԥш ҭагылазаашьақәа

1.1. Апеллиациа-ари ашколхәыҷқәа Ролимпиада алахәыла иҩыратә ҳәамҭоуп " ақәцәахь Амҩа!"(анаҩс-Аолимпиада) Аолимпиада амҩаԥгара Арегламент аилагаразы, мамзаргьы Аолимпиада алҵшәақәа рықәшаҳаҭымхаразы.

1.2.Апеллиациа Мҩаԥнагоит Апеллиациатә комиссиа. Апеллициатә комиссиа аԥҵахоит Аолимпиада ахьымҩаԥысуа амаҭәарқәа зегьы, ма амаҭәарқәа ркомплексқәа рзы. Апеллациатә комиссиа аԥырҵоит Аолимпиада алахәылацәа русумҭақәа рыхәшьараан иаку аҭахрақәа рықәныҟәара алыршара хықәкыс иҟаҵаны, аимактә зҵаарақәа рыӡбара, Аолимпиада алахәцәа рзинқәа рыхьчара.

Апеллиациатә комиссиа аусураҿы Аолимпиадазы Аԥҟара, аҵарашықәс азы Аолимпиада амҩаԥгара Арегламент {{Yarтәи}} иқәныҟәоит.

1.3. Апеллиациатә комиссиа ахантәаҩыс дыҟоуп Аолимпиада Аиҿкааратә еилакы Ахантәаҩы.

1.4.Амаҭәарқәеи/ма амаҭәарқәа ркомплекси рзы Апеллиациатә комиссиа хаҭалатәи аилазаареи аструктуреи Аиҿкааратә еилакы ишьақәнаргылоит, Аиҿкааратә комитет Ахантәаҩы ишьақәирӷәӷәоит. Амаҭәарқәеи/ма амаҭәарқәа ркомплекси рзы Апеллиациатә комиссиа аилазаара иалаҵахар ҟалоит Аиҿкааратә еилакы, аметодикатә комиссиа, Аолимпиада ажиури рлахәылацәа (3 (хҩык) иреиҵамкәа), иара убас хыхь зыӡбахә ҳҳәаз аусбарҭақәа ирылахәым аекспертцәа, уи азы аусхк аҟны иахәҭоу аквалификациеи адырреи змоу.

II. Апеллиациатә комиссиа аусура аиҿкаара

2.1. Апеллиациатә комиссиа абарҭ афункциақәа нанагӡоит:

2.1.1. Аолимпиада алахәылацәа рыпеллиациақәа идикылоит, дрыхәаԥшуеит;

2.1.2. Аолимпиада алахәылацәа Аоргеиҿкааратә еилакы ашьақәырӷәӷәаразы рыпеллиациақәа рыхәаԥшра алҵшәақәа рыла аӡбамҭа апроект адгалара мҩаԥнагоит;

2.1.3. адырра ҟаиҵоит апеллиациа ҟазҵоз Аолимпиада алахәыла, мамзаргьы уи иани иаби (азакәантә хаҭарнакцәа) Аолимпиада Аиҿкааратә еилакы иарбоу аӡбамҭа анышьақәнарӷәӷәа ашьҭахь апелтациазы ирыдыркылаз аӡбамҭа азы.

2.2. Апеллиациатә комиссиа аӡбамҭақәа рыдыркылоит акомиссиа асиатә еилазаара аҟынтәи абжьқәа реиҳарак рыла акворум ыҟазар (Апеллиациатә комиссия алахәылацәа 3 (хԥа) иреиҵамкәа). Абжьқәа еиҟарахар Апеллициатә комиссиа ахантәаҩы азин имоуп ихадоу абжьыҭира. Апеллиативтә комиссиа аӡбамҭақәа Шьақәнарӷәӷәоит Аолимпиада Аиҿкааратә еилакы. Аолимпиада Аиҿкааратә еилакы ишьақәнарӷәӷәаз Апеллиациатә комиссиа аӡбамҭақәа ҵыхәтәантәиуп, аиҭахәаԥшра ҟалаӡом.

2.3. Апеллиациатә комиссиа аӡбамҭа еиқәыршәахоит апеллиациа ахәаԥшраан иҟаз Апеллициатә комиссиа Ахантәаҩи алахәылацәеи рнапы зҵарыҩуа аԥкаанҵа ала. Аԥкаанҵала еиқәыршәоу Апеллиациатә комиссиа аӡбамҭа Аолимпиада Аиҿкааратә еилакы ианышьақәнарӷәӷәа ашьҭахь Аолимпиада алахәыла иҟынӡа инагахоит Аԥснытәи аҳәынҭқарратә университет аофициалтә саит аҿы Аолимпиада иазку аҟәшаҿы акьыԥхьрала.

2.4. Апеллиациа аԥкаанҵақәа ажиури ирырҭоит Аԥснытәи аҳәынҭқарратә университет ашколхәыҷқәа Р-Олимпиада алҵшәақәа рыԥкаанҵақәа иахәҭоу аиҭакрақәа ралагаларазы.

III. Апеллиациа анашьҭреи ахәаԥшреи аԥҟарақәа

3.1. Аолимпиада амҩаԥгара Арегламент аилагаразы апеллиациа ҳәа иҟоуп арзаҳал алазҵаз игәаанагарала Аолимпиада Азы Аԥҟареи/ма Аолимпиада амҩаԥгаразы Арегламенти реилагара ҳәа иалкаау афактқәа арбаны аргументла еиқәыршәоу аҩыратә ҳәамҭа. Аолимпиада амҩаԥгара Арегламент аилагаразы апеллиациа Аолимпиада алахәыла инаишьҭуеит амаҭәари/ма амаҭәарқәа ркомплекси рзы Аолимпиада иашьашәалоу аетап амҩаԥгара анхыркәшахалак ашьҭахь 1 (акы) усуратә мшы иалагӡаны.

3.2. Аолимпиада алҵшәақәа рзы апеллиациа Аолимпиада алахәыла иусура агәаҭара алҵшәақәа ишрықәшаҳаҭым азы аргументла аҩыратә ҳәамҭа ауп.

3.3. Апеллиациатә арзаҳал (апеллиациа) Аолимпиада Аиҿкааратә еилакы Ахантәаҩы ихьӡала Аолимпиада алахәыла хаҭала инаишьҭуеит. Егьырҭ ахаҿқәа рҟынтәи апеллиациақәа, Аолимпиада алахәылацәа рыуацәагьы уахь иналаҵаны, ирыдыркылаӡом, ирыхәаԥшӡом.

3.4. Аолимпиада заанаҵтәи алҵшәақәа кьыԥхьуп Аԥснытәи аҳәынҭқарратә университет аофициалтә саит аҿы Аолимпиада иазку аҟәшаҿы.

3.5. Аолимпиада заанаҵтәи алҵшәақәа анрыларҳәа ашьҭахь алахәыла Азин имоуп Апеллиациатә комиссиахь уи алҵшәақәа дышрықәшаҳаҭым азы аҩыратә арзаҳал (апеллиациа) анашьҭра.

3.6. Аолимпиада алҵшәақәа рыла апеллиациа Аолимпиада алахәыла инаишьҭыр ҟалоит Аолимпиада аихшьаалақәа Аԥснытәи аҳәынҭқарратә университет аофициалтә саит аҿы Аолимпиада иазку аҟәшаҿы ианкьыԥхьха инаркны.

Апеллиациақәа Апеллиациатә комиссиа ирыхәаԥшуеит.

Аолимпиада алахәылацәа иахәҭоу апеллиациатә ҳәамҭақәа рынашьҭразы ишьақәыргылоу аамҭа анынҵәалак ашьҭахь иааз апеллиациақәа ирыхәаԥшӡом.

3.7. Апеллиациа ахәаԥшра иҿыцу, мамзаргьы иназыцҵоу ԥышәараӡам.

Апеллиациа ахәаԥшраан игәарҭоит Аолимпиада амҩаԥгара апроцедура ишьақәыргылоу аҭахрақәа инарықәыршәаны ақәныҟәара, Аолимпиада алахәыла ишьақәырӷәӷәоу акритериақәа инарықәыршәаны иҩыратә усура агәаҭара, иара убас Аолимпиада алахәылацәа рҩыратә усумҭа ахәшьара аҭараан аԥхьаӡаратә гха аҟамзаара. Апеллиациа аихшьаалақәа рыла алҵшәақәа шыҟац иаанрыжьыр алшоит, абаллқәа лаҟәыр, ма ишьҭыхзар ҟалоит.

3.8. Апеллиациа ахәаԥшра мҩаԥысуеит Аԥснытәи аҳәынҭқарратә университет аҿы. Аппеллиациа ҟазҵаз Аолимпиада алахәыла Алшара ирҭоит иусура ишьақәыргылоу акритериақәеи Аолимпиада амҩаԥгара Арегламенти инарықәыршәаны ахәшьара шаҭоу агәра игарц.

3.9. Аолимпиада алахәыла еиуеиԥшым амзызқәа ирыхҟьаны апеллиациа ахәаԥшразы дымнеизар, уи ахәаԥшра Мҩаԥысуеит Апеллиациатә комиссиа алахәылацәа даламырхәӡакәа.

3.10. Аолимпиада алҵшәақәа рыла апеллиациа амҩаԥгараан апелляциа ахәаԥшра мҩаԥысуеит абри Арегламент ап.3. 7 инақәыршәаны. Убри аан апеллиациатә арзаҳал зланарышьҭуа хазы игоу ахәҭа акәымкәа, иааидкыланы аусура агәаҭара мҩаԥысуеит. Аолимпиада адҵақәа рынагӡараан ахархәара зауз аиқәаҵәақәа апеллиациа аматериалқәа раҳасабала ирыхәаԥшӡом. Апеллиациа анашьҭра афакт азы абаллқәа рхыԥхьаӡара армаҷра залшом.

3.11. Апеллиациа ахәаԥшра алҵшәақәа рыла Апеллиациатә комиссиа абарҭ аӡбамҭақәа руак аднакылар алшоит:

3.11.1. ироуз абаллқәа рхыԥхьаӡара ԥсахрада аиқәырхаразы;

3.11.2. ироуз абаллқәа рхыԥхьаӡара аизырҳаразы;

3.11.3. ироуз абаллқәа рхыԥхьаӡара армаҷразы.

3.12. Ироуз абаллқәа рхыԥхьаӡара аизырҳаразы, мамзаргьы армаҷразы аӡбамҭа рыдыркылар Апеллиациатә комиссиа Аолимпиада Аиҿкааратә еилакы абжьгара ҟанаҵоит абаллқәа рыԥсахрақәа шьақәдырӷәӷәарц, ианаҭахха – Аолимпиада алахәыла идиплом аҩаӡара шьақәдырӷәӷәарц.