Абҵара 25 рзы Аҧснытәи аҳәынҭқарратә университет аделегациа - афилологиатә факультет адекан, адоцент Хагәышь Б. А., В. П. Анқәаб ихьӡ зху Аҧсуа-адыга филологиа ацентр аиҳабы, арҵ. еиҳ. Анқәаб А. В., Ацентр алаборант еиҳабы Беиа А. З., аҧсуа бызшәеи алитературеи рзанааҭ IV акурс астудент Араҳамиа Д. Б. алахәын Х. М. Бербеков ихьӡ зху Ҟабарда-Балкариатәи аҳәынҭқарратә университет аҟны имҩаҧысуаз афилологиатә ҭҵаарадыррақәа рдоктор, академик, аурыс бызшәеи азеиҧш бызшәадырреи ркафедра апрофессор Габуниа Зинаида Махаз-иҧҳа 80 шықәса лхыҵра ахьӡала имҩаҧысуаз​ жәларбжьаратәи аконференциа.

Аҧснытәи аделегациа ахьӡала аконференциа аҟны дықәгылеит Хагәышь Б. А. Уи даҧхьеит Габуниа З. М. илызкны Аҧснытәи аҳәынҭқарратә университет апрофессор-рҵаҩратә еилазаареи, астудентцәеи рыхьӡала аректор, академик А. А. Гәарамиа инаишьҭыз адныҳәаларатә шәҟәы. Анаҩс аиубилиар лнапаҿы илиҭеит ашәҭқәеи аҳамҭақәеи.  

Аусмҩаҧгатә далахәын иара убасгьы Габуниа З. М. лааӡамҭацәа ируаӡәку, афилологиатә ҭҵаарадыррақәа рдоктор, апрофессор, Д. И. Гәлиа ихьӡ зху Аҧсуаҭҵаарадырратә институт абызшәадырра аҟәша аиҳабы Ҳагба Л. Р.