Аԥснытәи аҳәынҭқарратә университет ажурналистика акафедра аиҳабы, афилософиатә ҭҵаарадыррақәа рдоктор, апрофессор, ААУ аректор иабжьгаҩ Гәырам Артиом-иԥа Амқәаб онлаинла ажәахә ҟаиҵеит апрофессор Всеволод Николаи-иԥа Ружников 100-шықәса ихыҵра иазку «VIII Ружниковтәи аԥхьарақәа», «Отечественная журналистика: от истории к современности» ҳәа хьӡыс измоу Жәларбжьаратәи аҭҵаарадырратә конференциа аҟны.

Апрофессор Гәырам Амқәаб иажәахә хыс иаман «Радио как культурное пространство Республики Абхазия (1932 – 2022 гг.)».

Апрофессор В.Н. Ружников изку аконференциа еиҿыркааит М.В.Ломоносов ихьӡ зху Москватәи аҳәынҭқарратә университет ажурналистика афакультет иатәу ателехәаԥшреи арадиодырраҭареи ркафедра.