Ашәҟәыҩҩы, ажурналист,  А.С. Пушкин ирҿиара аҭҵааҩы Иури Алеқсеи-иԥа Инге изкыз "Оружием Слова" аконкурс  мҩаԥысит ақалақь Санкт-Петербург  И. Инге ихьӡ зху абиблиотека аҟны.  Аконкурс алахәцәа ирҭакԥхықәран И. Инге ибиографиеи ирҿиареи, ииубилеитә рыцхәқәеи, апоет идҳәалоу агәаларшәагатә ҭыԥқәеи ртематика аарԥшра.  "Мысль, заверстанная в слово" ҳәа  хыс измаз аусумҭа лышьҭит Аԥснытәи аҳәынҭқарратә университет афилологиатә факультет  3-тәи акурс, "аурыс филологиа" астудентка Нана Гамгиа.  
Ажиури рыӡбамҭала   Нана Гамгиа лусумҭазы 1-тәи аҭыԥ аанылкылеит.  Аусмҩаԥгатә аиҿкааҩ Санкт-Петербург иатәу Петродворцовтәи И.А. Инге ихьӡ зху ихадоу араионтә библиотека адиректор, атәылаҿацәҭҵааҩы, Урыстәылатәи Афедерациа ҳаҭыр зқәу аҵарадырра аусзуҩы, ашәҟәыҩҩы, С.С. Геиченко иусумҭақәа рыҭҵааҩы Маргарита Виқтор-иԥҳа Агеева ари амш инамаданы ААУ афилологиатә факультет аҟны "Хранитель пушкинского слова: усадьбы добрый Домовой (С.С. Гейченко)" изкыз алекциа  даԥхьеит.  Аконкурс аҟны актәи аҭыԥ аанызкылаз 3-тәи акурс астудентка Нана Гамгиа "Аҳатыртә шәҟәы" лылҭеит.
Иазгәаҭатәуп, ашәҟәыҩҩы, ажурналист  И.Инге ирҿиара иазкыз "Оружием Слова" аконкурс  онлаинла ажиури русура зхы алалырхәыз  ААУ аурыс бызшәа акафедра адоцент  Аза Џьабир-иԥҳа  Ладариа Санкт-Петербуртәи И.Инге ихьӡ зху  абиблиотека администрациа ахьӡала "Аҳаҭыртә шәҟәы" шланашьаз.