Урыстәылатәи Афедерациа иатәу "Башкириатәи аҳәынҭқарратә университет" аҟны имҩаԥысит аҳақьым-аԥҟаҩы, Аԥснытәи аҳәынҭқарратә университет адоцент, амедицинатә ҭҵаарадыррақәа ркандидиат Руслан Александр-иԥа Смыр "Этиопатогенетические аспекты диагностики и лечебная тактика при синдроме интраабдоминальной гипертензии" ҳәа хыс измаз идоктортә диссертациа ахьчара.

Адиссертациа аус адулан Урыстәылатәи Афедерациа иатәу аҳәынҭқарратә биуџьеттә рҵаратә еилакы "Башкириатәи аҳәынҭқарратә университет" аендоскопиатә институт ахирургиа акафедраҟны.

Адиссертациатә Хеилак хантәаҩра аиҭон амед. ҭҵ. рдоктор, апроф. Виль Мамил-иԥа Тимербулатов.

Адиссертациа аҭҵаарадырратә консультант: адоцент, аендоскопиатә институт ахирургиа акадедра адоцент Шамиль Виль-иԥа Темербулатов.

Аофициалтә оппонентцәа: амед. ҭҵ. рдоктор, апроф., Урыстәыла ҳаҭыр зқәу аҳақьым Дибиров Магомед Дибир-иԥа, амед. ҭҵ. рдоктор, апроф. Забелин Мақсим Васили-иԥа, амед.ҭҵ.рдоктор, апроф. Тотиков Валери Зелимхан-иԥа.

Руслан Смыр қәҿиарала идиссертациатә хьчара ашьҭахь, Адиссертациатә Хеилак рыӡбамҭала аҵарауаҩ, аҳақьым амедицинатә ҭҵаарадыррақәа рдоктор ҳәа ахьӡ ианашьан.