Азҵаара рыҭара



Абаскетбол азы атурнир

Лаҵарамза 23 инаркны 25-нӡа имҩаԥысит ААУ астудентцәа злахәыз абаскетбол атурнир. Уи азкын Аԥснытәи аҳәынҭқарратә университет 90-шықәса ахыҵра.

Арԥарцәа злаз акоманда 6 факультетк еиднакылеит: апедагогикатә, аекономикатә, афизика-математикатә, азиндырратә, абиолого-географиатә, агронџьныртә.

Арԥарцәа злаз апедагогикатә факультет акоманда актәи аҳаҭыртә ҭыԥ ааныркылеит, аҩбатәи аҭыԥ ааныркылеит аекономикатә факультет акоманда, ахԥатәи аҭыԥ ааныркылеит абиолого-географиатә факультет акоманда.

Аҭыԥҳацәа злаз акоманда зеиҿкаамхеит.

Атурнир аҟны иреиӷьыз ахәмарҩцәа ҳәа иалкаан: 1-тәи акурс апедагогикатә факультет (абаҩрҵәыра) астудент Мақсим Качалов, 3-тәи акурс апедагогикатә факультет (абаҩрҵәыра) астудент Даниил Анқәаб, абиолого-географиатә факультет 3-тәи акурс астудент Саид Ӡкәиа, аекономикатә факультет 3-тәи акурс астудент Ваид Иакәыб-оглы.

Актәи аҭыԥ аанызкылаз акоманда ахраҿа ранашьан. Иреиӷьу ахәмарҩцәа ирыҭан агәаларшәагатә ҳамҭақәа. Аиааира згаз иранашьан аҳаҭыртә шәҟәқәеи амедальқәеи.

Атурнир еиҿыркааит ААУ аспортклуб ахантәаҩы Инга Карчаа, иара убас ААУ астудентцәа Реидгылеи абаҩрҵәыра акафедреи.

Астудентцәа аҳамҭа рыҭара иазкыз ацеремониа ихы алаирхәит абаскетбол азы Аԥсны аспорт зҽаԥсазтәыз аҟаза Николаи Гушьин.