Хәажәкыра 17 азы ААУ Аспортклуб аԥшьгарала имҩаԥысит  Аԥснытәи аҳәынҭқарратә университет 90-шықәса ахыҵра иазку аԥкьаҭмпыл атурнир. Уи рхы алыдырхәыр рылшон аҵараиурҭа астудентцәа зегьы. Зынӡа атурнир рхы аладырхәит 28-ҩык арԥарцәеи, 5-ҩык аҭыԥҳацәеи.
Атурнир мҩаԥысит Ареспубликатә ахәыҷқәеи ақәыԥшцәеи рспорттә школ аҟны.
3-тәи аҭыԥ ааникылеит апедагогикатә факультет (абҩарҵәыра аҟәша) астудент Гига Џьгереннаиа; 2-тәи аҭыԥ ааникылеит аекономикатә факультет  3-тәи акурс астудент Нарҭ Ӡаԥшьба, 1-тәи аҭыԥ  ааникылеит агронџьныртә факультет  (аенергетика аҟәша) 3-тәи акурс астудент Наур Карчаа. Атурнир  аҟны иреиӷьыз ахәмарҩы  Наур Карчаа ианашьан агәаларшәагатә храҿа.
Аҭыԥҳацәа рҟынтә 3-тәи аҭыԥ аанылкылеит афилологиатә факультет (аԥсуа бызшәеи алитературеи) 2-тәи акурс  астудентка Лаура Ԥаразиа; 2-тәи аҭыԥ аанылкылеит аҭоурыхтә факультет 1-тәи акурс астудентка  Сабина Агрба;  1-тәи аҭыԥ аанылкылеит аекономикатә факультет  2-тәи акурс астудентка Анна Егорова .
Аиааира згаз иранашьан амедальқәеи аҳаҭар шәҟәқәеи. Актәи аҭыԥқәа аанызкылаз иранашьан агәаларшәагатә ҳамҭақәа (ахраҿақәа).
"Аԥкьаҭмпыл азы атурнир сынтәатәи ашықәс азы ираԥхьатәиуп", - ҳәа азгәалҭеит ААУ аспортклуб ахантәаҩы Инга Гьаргь-иԥҳа Карчаа.
 Аицлабра мҩаԥган ААУ астудентцәа Реидгылеи абҩарҵәыра акафедреи рыцхыраарала.