Аиԥылара иалахәын: ААУ ажурналистика акафедра анапхгаҩы, аректор иабжьгаҩ Гәырам Амқәаб, аректор ицхырааҩ Анжела Қаџьаиа, азиндырратә факультет адекан Сергеи Смыр, аҭоурыхтә факультет адекан Алик Габелиа, аҟазарақәа рыҟәша анапхгаҩы Нугзар Логәуа, Аԥсны адәныҟатәи аусқәа рминистр ихаҭыԥуаҩ Иракли Ҭыжәба, Аԥсны Аҳәынҭқарраҿы иҟоу Аахыҵ Уаԥстәылатәи ареспублика ацҳаражәҳәаҩ Олег Боциев, Аахыҵ Уаԥстәылатәи ареспублика ААР аминистр ихаҭыԥуаҩ Сергеи Тадтаев.

Иазгәаҭан аганқәа ргәы ишҭоу аҵарадырра аусхк аҟны аусеицура арҭбаара.

Алеко Гәарамиеи Дмитри Медоеви ргәаанагарақәа еимырдеит ауниверситетқәа рыстудентцәа реинырра аусхк аҟны апроектқәа реицымҩаԥгара алыршаразы. Иазгәаҭан   аҿартә еиҿкаарақәа рыбжьара аиԥыларақәеи аԥышәаеимдарақәеи шеиҿкаалатәу. Иара убас, ирылацәажәан адунеи аҿы имҩаԥысуа жәларбжьаратәи ахҭысқәеи, уи инамаданы Украина иҟоу аҭагылазашьа азҵаареи.

Аиԥылара аҳәаақәа ирҭакӡаны ААУ аректор Алеко Гәарамиа Донецктәи Жәлар Республикеи Лугансктәи Жәлар Республикеи рҟынтә иааз аҿар идикылеит.

Аиԥылара аофициалтә хәҭа ашьҭахь, иааз ахҵәацәа идырбан ауниверситеттә ԥсҭазаара, афакультетқәеи акафедрақәеи. ААУ аҿар рполитика апроректор Медеиа Чегьиа ирзеиҭалҳәеит ауниверситет аҭоурых.

Есышықәса ААУ аҟны ҭагалан иазгәарҭоз Жәларбжьаратәи астудент имш, аепидемологиатә ҭагылазаашьа иахҟьаны иахыган, уи иахьа иазгәарҭон. Уахь иаарыԥхьеит ЛЖӘР ДЖӘР рҟынтә   иааз ахҵәацәа.

Аусмҩаԥгатә ахыркәшамҭазы, асасцәа зегьы Аԥснытәи аҳәынҭқарратә университет ахьӡала агәаларшәагатә ҳамҭақәа ранашьан.