72-шықәса дшырҭагылаз лыԥсҭазаара далҵит Аԥснытәи аҳәынҭқарратә университет абиолого-географиатә факультет аекологиеи аморфологиеи ркафедра арҵаҩы еиҳабы Биана Тапаӷәуа.

Биана Џьота-иԥҳа 40-шықәса инареиҳаны Аԥснытәи аҳәынҭқарратә университет аҟны аус луан. Ари аамҭа иалакӡаны иазыҟалҵахьан хыԥхьаӡара рацәала аекологиеи аморфологиеи рхырхарҭала аспециалистцәа ҿарацәа.

Биана Џьота-иԥҳа арҵаҩцәеи астудентцәеи рыбжьара аҳаҭыри апатуи змаз рҵаҩын.

Аԥснытәи аҳәынҭқарратә университет аректорати, апрофессор-рҵаҩратә еилазаареи, арҵаҩцәеи, астудентцәеи гәалсра дула ирыдышшылоит Биана Џьота-иԥҳа лҭаацәеи, лыуацәеи, лҭынхацәеи.

Аҵарауаҩ, арҵаҩы Биана Џьота-иԥҳа лгәалашәара лаша лааӡамҭацәеи, лколлегацәеи, дыздыруаз зегьы ҳгәаҵаҟны наӡаӡа иаанхоит.