Ахатәы бызшәа жәларбжьаратәи амш инамаданы, Ҟарачы-Черкессктәи аҳәынҭқарратә университет аԥшьгарала Аԥсныи, Ҭырқәтәылеи, Черкесски аҳәынҭқаррақәа рҟны  абаза бызшәа здыруа арҵаҩцәеи астудентцәеи рыбжьара имҩаԥган онлаин диктант. Уи рхы аладырхәит Аԥснытәи аҳәынҭқарратә университет аҟны аус зуа абаза бызшәа здыруа арҵаҩцәеи астудетцәеи.

Жәларбжьаратәи адиктант мҩаԥган абызшәа маҷқәа реиқәырхареи раларҵәареи, Ҟарачы-Черкессктәи Ареспублика арҵаратә программа аҿы иазыԥҵәоу абжьаратә школқәа рҟны асааҭқәа реизырҳареи, абазақәа ахьынхозаалакгьы рбызшәа ахархәара амҽхак арҭбаареи рзы.

Иазгәаҭатәуп, ас еиԥш иҟоу адиктант жәабран 21 азы есышықәса ишымҩаԥысуа. Аԥснытәи аҳәынҭқарратә университет аҟны адиктант аҩра рхы аладырхәит 19-ҩык. Уи еиҿикааит В.П. Анқәаб ихьӡ зху акабинет аиҳабы Ахра Анқәаб.