Лыԥсҭазаара далҵит Аԥснытәи аҳәынҭқарратә университет аекономикатә факультет «Аҳасабырбеи аудити»  ркафедра адоцент, Адунеизегьтәи аметодикатә Хеилак алахәыла,   арҵага-методикатә цхыраагӡақәа равтор Лариса Павел-иԥҳа Шьербакова.

Лариса Павел-иԥҳа  40-шықәса инареиҳаны Аԥснытәи аҳәынҭқарратә университет  аҟны аус луан. Ари аамҭа иалакӡаны иазыҟалҵахьан хыԥхьаӡара рацәала аҳасабырбеи аудити рхырхарҭала аспециалистцәа ҿарацәа. Лариса Павел-иԥҳа аԥышәа ду змази зыҿҵаара мариази рҵаҩын,  уи  иабзоураны лоушьҭымҭацәа ҳҳәынҭқарра аҟны  қәҿиарала аус руеит. Аҵарауаҩ дравторын 14 ҭҵаарадырратә усумҭақәеи, 20 инареиҳаны аҭҵаарадырратә статиақәеи. ААУ астудентцәа рзы аус адылулон арҵагатә шәҟәқәа.  Арҵаҩцәеи астуденцәеи рыбжьара аҳаҭыри апату дуи змаз рҵаҩын Лариса Павел-иԥҳа.
Аԥснытәи аҳәынҭқарратә университет аректорати, апрофессор-рҵаҩратә еилазаареи, арҵаҩцәеи, астудентцәеи гәалсра дула  ирыдышшылоит Лариса Павел-иԥҳа лҭаацәеи, лыуацәеи, лҭынхацәеи.
Аҵарауаҩ, арҵаҩы Лариса Павел-иԥҳа лгәалашәара лаша лаӡаамҭацәеи, лколлегацәеи, дыздыруаз зегьы ҳгәаҵаҟны наӡаӡа иаанхоит.