Аԥснытәи аҳәынҭқарратә университет аҟны имҩаԥысит аҭоурыхтә факультет Аԥсны аҭоурыхи, археологиеи, аетнологиеи ркафедра арҵаҩы Аслан Габелаиа аҭоурыхтә ҭҵаарадыррақәа ркандидат иҩаӡара ахьӡ аиуразы идиссертациа ахьчара. 

Азанааҭ  -  Аԥсны аҭоурых.

Атема: «Проблемы социально-экономического развития ССР Абхазии (1921-1931 гг.)».

Адиссертациатә усумҭа напхгара арҭон – аҭ.ҭҵ.рканд., адоцент Ҳашба А.М., аҭ. ҭҵ. рканд., адоц. Салаҟаиа С. Ш. 

Аоппонентцәа: аҭ. ҭҵ. рд., апроф. Аҩӡба А. Ф., аҭ.ҭҵ.рканд. Ермоленко Л.П. (Ставрополь).

Адиссертациатә Хеилак аилазаара:

Ахантәаҩы - аҭ. ҭҵ. рд., апроф. Бӷажәба О. Хә.;

Ахантәаҩы ихаҭыԥуаҩ аҭ. ҭҵ. рд., апроф. Шамба С.М.;

Амаӡаныҟәгаҩ – афилософ. ҭҵ. рканд., адоц. Кәыҵниа М.Б.;

Аҭ. ҭҵ. рд., апроф. – Бигәаа В.Л.;

Аҭ. ҭҵ. рд., апроф. - Маан О. В.;

Аҭ. ҭҵ. рканд., апроф. - Лакоба С. З.;

Аҭ. ҭҵ. рд., апроф. – Анчабаӡе И. Д. (Москва);

Аҭ.ҭҵ.рд.,апроф. – Криучков И.В. (Ставрополь).

Аҭ. ҭҵ. рканд., адоц. - Кациа Р. Н.;

Аҭ. ҭҵ. рканд., адоц. - Гәыргәылиа Е. А.;

Аҭ. ҭҵ. рканд., адоц. - Габелиа А. Н.

Аслан Суликәа-иԥа Габелаиа иқәгылара аҟны еиҭеиҳәеит иусумҭа ахықәкы хадеи, аҵаки, аҭҵаарадырратә ҿыцрақәеи, ихатәы лкаақәеи, аартрақәеи ртәы.

Адиссертант иажәақәа рыла аусумҭа аҭҵаара нап аиркит 3 шықәса раԥхьа, атема нагӡаны агәылырҭәаара аҟны аԥынгылақәа маҷымкәа ишыҟазгьы, аҭоурыхҭҵааҩцәа - аиҳабацәа  рыцхыраарала иалыршахеит уи аҭҵаара иҳәеит Аслан Габелаиа. Аусумҭа актуалра ду аҵоуп ҳаамҭазтәи аҭоурыхҭҵаара знапы алаку аҿар рзы. Адиссертациатә Хеилак алахәылацәа иазгәарҭеит, адиссертант иусумҭа ҩаӡара ҳаракыла аҭҵаара шилиршаз.

Аслан Габелаиа идиссертациа иазкны абжьыҭара имҩаԥгаз алҵшәақәа рыла, Адиссертациатә Хеилак алахәылацәа зегьы еицҿакны уи аҭоурыхтә ҭҵаарадыррақәа ркандидат ҳәа ахьӡ иоура иазыразхеит.