Аԥснытәи аҳәынҭқарратә университет аҟны имҩаԥысит аҭоурыхтә факультет Аԥсны аҭоурыхи, археологиеи, аетнологиеи ркафедра арҵаҩы еиҳабы Џьамбул Инџьгиа аҭоурыхтә ҭҵаарадыррақәа ркандидат иҩаӡара ахьӡ аиуразы идиссертациа ахьчара. 

Азанааҭ  -  Аԥсны аҭоурых.

Атема: "Вопросы историософии истории Абхазии конца XIX - первой половины XX вв.".

Адиссертациатә усумҭа напхгара арҭон – аҭ.ҭҵ.рканд., адоцент Ҳашба А.М., аҭ. ҭҵ. рд., апроф. Аҩӡба А. Ф.

Аоппонентцәа: аҭ.ҭҵ. рд., апроф. - Криучков И.В. (Ставрополь), аҭ. ҭҵ. рканд., адоц. - Салаҟаиа С. Ш..

Адиссертациатә Хеилак аилазаара:

Ахантәаҩы - аҭ. ҭҵ. рд., апроф. Бӷажәба О. Хә.;

Ахантәаҩы ихаҭыԥуаҩ аҭ. ҭҵ. рд., апроф. Шамба С.М.;

Амаӡаныҟәгаҩ – афилософ. ҭҵ. рканд., адоц. Кәыҵниа М.Б.;

Аҭ. ҭҵ. рд., апроф. – Бигәаа В.Л.;

Аҭ. ҭҵ. рд., апроф. - Маан О. В.;

Аҭ. ҭҵ. рканд., апроф. - Лакоба С. З.;

Аҭ. ҭҵ. рд., апроф. – Анчабаӡе И. Д. (Москва);

Аҭ. ҭҵ. рканд., адоц. - Кациа Р. Н. ;

Аҭ. ҭҵ. рканд., адоц. - Гәыргәылиа Е. А.;

Аҭ. ҭҵ. рканд., адоц. - Габелиа А. Н.

Џьамбул Џьумбер-иԥа Инџьгиа иқәгылара аҟны еиҭеиҳәеит иусумҭа ахықәкы хадеи, аҵаки, аҭҵаарадырратә ҿыцрақәеи, ихатәы лкаақәеи, аартрақәеи ртәы.

Иазгәаҭатәуп, адиссертациатә хьчара рхы шаладырхәыз аԥсуаа ҵарауаа инарываргыланы, Урыстәылатәи аҵарауаагьы. Урҭ ргәаанагарала, адиссертант иҭиҵааит иахьа уажәраанӡа Аԥсны аҭоурых аҟны қәнагала иҭҵаамыз атема. Аусумҭа актуалра ду аҵоуп ҳаамҭазтәи аҭоурыхҭҵаара знапы алаку аҿар рзы. Иумбарц залшомызт адиссертант итема бзианы ишҭиҵааз, ахыҵхырҭақәа еидкыланы асистематә шьаҭа аҭаны ишазыирхиаз ҳәа азгәарҭеит Адиссертациатә Хеилак алахәылацәа. Иара убас, Џьамбул Џьумбер-иԥа адиссовет алахәылацәа иабжьыргеит иҭҵаамҭа ашьаҭала амонографиа аҭыжьра.

Џьамбул Инџьгиа идиссертациа иазкны абжьыҭара имҩаԥгаз алҵшәақәа рыла, Адиссертациатз Хеилак алахәылацәа зегьы еицҿакны уи аҭоурыхтә ҭҵаарадыррақәа ркандидат ҳәа ахьӡ иоура иазыразхеит.