Аҭоурыхтә ҭҵаарадыррақәа ркандидат, СКФУ Урыстәыла аҭоурых акафедра адоцент Лиудмила Ермоленкеи, аҭоурыхтә ҭҵаарадыррақәа рдоктор, СКФУ аҳәаанырцәтәи аҭоурыхи, аполитологиеи жәларбжьаратәи аимадарақәа ркафедра аиҳабы Игор Криучкови. Аҵарауаа ААУ аҭоурыхтә факультет аҟны имҩаԥысуаз афакультет арҵаҩцәа Џьамбул Инџьгиеи, Илона Агрбеи, Аслан Габелаиеи ркандидаттә диссертациа ахеилак иалан.

ААУ аректор, академик Алеко Гәарамиа дазааҭгылеит Аԥснытәи аҳәынҭқарратә университети Нхыҵ-Кавказтәи афедералтә университети рыбжьара аусеицуразы ирыбжьоу аиқә́шаҳаҭра аҳәаақәа ирҭакӡаны имаҷымкәа аусмҩаԥгатәқәеи, астудентцәа рыбжьара аиҭанеиааирақәеи шымҩаԥысхьоу, наҟ-наҟгьы ишацҵахо атәы арҵабыргуеит февраль 8 азы ауниверситетқәа еицырзеиԥшу амагистртә программа ахысразы ААУ астудентцәа СКФУ ахь рцара азԥхьагәаҭара. Имҩаԥысыз адиссертациатә хьчара дахцәажәауа, аректор иазгәеиҭеит еиҵагыло аҵарауаа ҿарацәа рыҭҵаараҿы Аԥсны анҭыҵ иҟоу архьивтә материалқәеи ахыҵхырҭақәеи рхы иадырхәартә еиԥш аҭагылазаашьа аԥҵара шаҭаху. «Иахьатәи аамҭазы алшара ҳамоуп иҵабыргу ҳтоурых аҳәара», - иҳәеит аректор.

Нхыҵ-Кавказтәи афедералтә университет аҵарауаа имҩаԥысыз акандидаттә диссертациқәа рыхьчара рыҩаӡареи, аиҿкаареи, амҩаԥгареи ирыҵаркуаз аусхкқәа рыхә ҳаракны иршьеит.

Адиссертациа ахьчаразы адиссовет напхгара азҭоз аҭоурыхҭҵааҩ, апрофессор Олег Бӷажәба, адиссертантцәа рыҭҵаара, аҭоурых аҟны илагала дууп ҳәа азгәеиҭеит.

ААУ аҭҵаараус апроректор Џьулетта Адлеиба иҭабуп ҳәа ралҳәеит асасцәа имариам, апандемиа аамҭазы, аҵарауаа рааразы, иаалырԥшит агәазыҳәара аҭоурыхтә факультет аҟны хара имгакәа иазԥхьагәаҭоу адоктортә диссертациақәа 2 рыхьчараангьы адиссовет реилазаара иалалап ҳәа.

Аҭоурыхтә факультет адекан Алик Габелиа иҭабуп ҳәа реиҳәеит ААУ анапхгареи, ҷыдала ААУ аҭҵаараус аҟәшеи акандидаттә диссертациа ахьчара аиҿкаареи, аҭҵаареи рус иадҳәалоу рыцхырааразы.

Аиԥылара ахыркәшамҭаз ААУ аректор ицхырааҩ Анжела Қаџьаиа ауниверситет ахьӡала асасцәа агәаларшәагатә ҳамҭақәа рылҭеит.