Ԥхынҷкәын 17 азы ААУ жәларбжьаратәи аимадарақәеи аекономикатә зҵаарақәеи рыпроректор Даур Ақаҩба диԥылеит К. А.  Тимириазев ихьӡ зху   Москватәи ақыҭанхамҩатә академиа Урыстәылатәи аҳәынҭқарратә аграртә универсиет арҵаратә программа жәларбжьаратәи  Аусбарҭа аиҳабы Иван Кривчански.
Аиԥылараҟны иалацәажәан аҵараиурҭақәа рыбжьара ԥхьаҟатәи русеицура иадҳәалоу азҵаарақәа жәпакы.
«Аграртә  хырхарҭа – ихадоу  аусхкқәа ируакуп, уи аҿиаразы ҳҵараиурҭа  аҟны иазыҟарҵоит  аспециалистцәа, К. А.  Тимириазев ихьӡ зху   Москватәи ақыҭанхамҩатә академиа Урыстәылатәи аҳәынҭқарратә аграртә университети ҳареи ҳусеицура алыҵшәа бзиақәа аадмырԥшыр залшом», - ҳәа азгәеиҭеит ԥхынҷкәын 15 аахижьҭеи усуратә визитла Москва иҟоу Даур Ақаҩба.