Аицлабра «УМНИК» Аԥсны раԥхьаӡа акәны имҩаԥган 2018 шықәсазы Аԥсны Аҭҵаарадыррақәа ракадемиеи Аԥснытәи аҳәынҭқарратә ҵараиурҭеи алархәны.

Аицлабра еиҿыркааит аинновациатә цхыраара Урыстәылатәи Афонди Икоммерциатәым аиҿкаара "Аҭҵаарадырра-технологиатә инновациақәа ринститути ("СИНТИ").

Аусмҩаԥгатә рхы аладырхәит ААУ аректор актәи ихаҭыԥуаҩ Виктор Маланӡиа, "Аҭҵаарадырра-технологиатә инновациақәа ринститут ("СИНТИ") аиҳабы- Азад Овсепиан, Аҧсны Аҳәынҭқарра аҭҵаарадыррақәа Ракадемиа иатәу Аекологиа аинститут аиҳабы - Роман Дбар,  «Эра-СФТИ» ахада - Борис Лазба, «Москватәи аԥсуа диаспора» ахаҭарнак - Инна Барчан, КБ «Амра-банк» ахантәаҩы- Михаил Чалмаз.

Аусмҩаԥгатә ааиртит Аҭҵаарадырра-технологиатә инновациақәа ринститут ("СИНТИ") аиҳабы-Азад Овсепиан. Иара иазгәеиҭеит ас еиԥш иҟоу аицлабрақәа аҿар рзы ишыцхыраагӡоу.

Сынтәа апроект алахәылацәа русумҭақәа ӡырыргеит абарҭ ахырхарҭақәа рыла: амедицина, абиотехнологиа, аенергетика, ацифратә, ахимиатә, аинтеллектуал-ааглыхратә технологиақәа.

Апроект «УМНИК» хықәкы хадақәас иамоуп - аҿыцԥҵаҩцәа ҿарацәа аҭҵаарадырратә инновациатә проектқәа аус рыдыруылаларц, аекспертцәа рыхәшьараз ирыдыргылаларц. 

Аиԥылара ахыркәшамҭаз уи алахәылацәа агрантқәа рыҭахоит.