Аԥснытәи аҳәынҭқарратә университет азеиԥшнхарҭа иҩноу астудентцәа абҵарамза 13 азы Афон Ҿыц иаҭааит. Иазгәаҭатәуп аекскурсиа рхы шаладырхәыз азеиԥшнхарҭа иҩноу Ҭырқәтәылантәи арепатриантцәа. Астудентцәа ирбеит аҭыԥ ԥшӡарақәа: Афонҿыцтәи аҳаԥы, апарк, Анаҟәаԥиатәи абаа.

Азеиԥшнхарҭа анапхгареи астудентцәеи иҭабуп ҳәа рарҳәоит аекскурсиа аиҿкааразы ацхыраара рызҭаз зегьы: Аԥснытәи аҳәынҭқарратә университет анхамҩатә усқәа рзы апроректор Анзор Кортуа, Афонҿыцтәи аҳаԥы анапхгара.  Ҷыдала иҭабуп ҳәа рарҳәоит Аҩныҵҟатәи аусқәа рминистрра астудентцәа равтобус амҩа иқәнаҵы иаԥырҵаз ашәарҭадаразы.