Азҵаара рыҭара



Урыстәылатәи ажурналист, акинодокументалист Александр Зиненко ААУ астудентцәа рзы амастер-класс мҩаԥигоит

Жьҭаарамза 21 азы Аԥснытәи аҳәынҭқарратә университет аҟны имҩаԥгахоит урыстәылатәи ажурналист, арепортиор, адокументалтә киносахьақәа равтори рымҩаԥгаҩи, ажурналисттә ҟазара арҵаҩи Познер ишкол аексперттә хеилак алахәылеи Александр Зиненкои ААУ астудентцәеи реиԥылара.

Аиԥылара атема: «Адокументалтә кино аҟны ахаҿра гәылҭәааны аарԥшра».

Аусмҩаԥгатә еиҿыркаауеит Аԥсны ажурналистцәа Реидгылеи жәларбжьаратәи амедиаклуб «Формат АЗ». Урҭ кыр шықәса ҵуеит зыхьӡ нагоу урыстәылатәии европатәии аинтеллектуалтә елита рхаҭарнакцәа Аԥсныҟа иаарыԥхьоижьҭеи.

Аиԥылара алагоит: 11:30 асааҭ азы, ААУ амфитеатр (актәи аихагыла).