Иԥсҭазаара далҵит Аԥснытәи аҳәынҭқарратә университет апедагогикатә факультет абҩарҵәыра акафедра аиҳабы, ААУ аспортклуб ахантәаҩы, абҩарҵәыра  акафедра арҵаҩы, Ҳаҭыр зқәу Аԥсны ашьапылампыл азы аспорт азҟаза, Аԥсны Аџьынџьтәылатә (1992-1993 шш.) еибашьра аветеран, "Агәымшәаразы" амедал занашьоу Аслан Қыбеи-́иԥа Ҭарба.

1980 ш. раахижьҭеи Аслан Қыбеи-иԥа Аԥсны Аҳәынҭқарра аҟны изанааҭ ала еиуеиԥшым амаҵурақәа рҟны аус иуан. 1981 ш. Гәдоуҭатәи ахәыҷтәы спорт школ аҟны  аҵара ҟәша адиректор ихаҭыԥуаҩыс, анаҩс ашьапылампыл азы тренерс. 1992 шықәса инаркны 2008 шықәсанӡа Аԥсны Арбџьармчқәа рҟны аус иуан  архәҭақәа џьаԥҳанылеи техникалеи реиқәыршәара амаҵзура аҟны, анаҩс Аԥсны Атәылахьчара  аминистр ихаҭыԥуаҩыс.

Аслан Қыбеи-иԥа  Аԥснытәи аҳәынҭқарратә университет аҟны аус иуан 2016 ш. раахижьҭеи. Хыԥхьаӡара рацәала иааӡамҭацәа аԥхьахә ҭыԥқәа ааныркылахьан. Аслан Қыбеи-иԥа дахьыҟазаалакгьы иааирԥшуан ауаҩреи, аҳалалреи, ақьиареи, урҭ ацәаҩақәа рылаиааӡон астудентцәагьы.

Аԥснытәи аҳәынҭқарратә университет апрофессор-рҵаҩратә еилазаареи, апедагогикатә факультет аусзуҩцәеи, астудентцәеи гәалсра дула ирыдышшылоит Аслан Қыбеи-иԥа иҭаацәеи, иуацәеи, иҭынхацәеи.

Игәалашәара лаша наӡаӡа иаанхоит дыздыруази, аус ицызуази, иааӡаамҭацәеи ргәаҵаҟны.