Иԥсҭазаара далҵит Аԥснытәи аҳәынҭқарратә университет ҳаҭыр зқәу апрофессор, афизика-математикатә ҭҵаарадыррақәа ркандидат, ААУ афизика-математикатә факультет азеиԥш физика акафедра аиҳабы Серапион Роман-́иԥа Кьышьмариа.

Серапион Роман-иԥа аҵараиурҭа аҟны аус иуан 1958 шықәса раахижьҭеи. Азеиԥш физика амаҭәар акурс мҩаԥигон, афизика амаҭәар   ҷыдалатәи ахәҭала аспециалистцәа азыҟаиҵон.

Апрофессор дравторын хыԥхьаӡара рацәала аҭҵаарадырратә статиақәа. Есышықәса ихы рылаирхәуан ААУ аҭҵаарадырратә семинарқәеи, аҭҵаарадырратә-практикатә конферециақәеи.

Серапион Роман-иԥа ихы рылаирхәуан Урыстәылатәи аҭҵаарадырратә конференциақәа, изныкымкәа дрылахәын Ленинградтәи апедагогикатә институт аҟны имҩаԥысуаз аконференциақәа.

ААУ аректорати, апрофессортә-рҵаҩратә еилазаареи, астудентцәеи гәалсра дула ирыдышшылоит аҵарауаҩ иҭаацәеи, иуацәеи иҭынхацәеи.

Серапион Роман-иԥа игәалашәара лаша дыздыруаз зегьы ргәалашәараҿы наунагӡа иаанхоит.