84-шықәса дшырҭагылаз лыԥсҭазаара далҵит Аԥсны зҽаԥсазтәыз арҵаҩы, Аԥсны Аҳәынҭқарра иреиҳау аҵараиурҭа зҽаԥсазтәыз аусзуҩы, зыхьӡ нагоу арҵаҩы, аметодист Нелли Кәҷыр-́иԥҳа Ашәба.

Нелли Кәҷыр-иԥҳа 60 шықәса инареиҳаны рҵаҩыс аус лухьан, 1987 шықәса аахыс аус луан Аԥснытәи аҳәынҭқарратә университет аԥсуа бызшәа акафедра аҟны рҵаҩыс, лааԥсаара рацәан аҿар реиҵааӡара аус аҟны.

Аԥснытәи аҳәынҭқарратә университет аректорати, апрофессортә-рҵаҩратә еилазаареи, афилологиатә факультет аусзуҩцәеи, астудентцәеи гәалсра дула ирыдышшылоит апедагогикатә ҭҵаарадыррақәа ркандидат, ААУ аԥсуа бызшәа акафедра №2 адоцент Нелли Кәҷыр-иԥҳа лҭаацәеи, луацәеи, лҭынхацәеи.

Уи лгәалашәара лаша дыздыруази, аус лыцызуази ргәаҵаҟны нааунагӡа иаанхоит.