Аԥснытәи аҳәынҭқарратә университети Урыстәылатәи атуризми асервиси аҳәынҭқарратә университети рнапы аҵарҩит арҵаратәи-аҭҵаарадырратәи усеицуразы амеморандум.

Амеморандум аҳәаақәа ирҭакӡаны иазԥхьагәаҭоуп:

- аҵараиурҭақәа еицырзеиԥшу арҵаратә уснагӡатәқәа аҵареи арҵареи русхкаҟны, ҩ-дипломк аиуразы апрограмма, аԥхынтә школқәа;

- аҵараиурҭақәа еицырзеиԥшу аҵаранҭыҵтәи академиатәи аҭҵаарадырратәи усхкқәа, уахь иаҵанакуеит асертификаттә курсқәа, аконференциақәеи асимпозиумқәеи;

-еицырзеиԥшу аҭҵааратә проектқәа рыҭҵаара.

-еицырзеиԥшу академиатәи аҭҵааратәи ҭыжьымҭақәа;

- иреиҳау арҵаратә программақәа - абакалавриати, амагистратуреи рыҟны аҵара зҵо астудентцәа реиҭныԥсахлара;

- аҭҵаара-педагогикатә кадрқәа реиҭныԥсахлара;

-аҭҵаарадырратә ҭыжьымҭақәеи адокументқәеи реиҭныԥсахлара.

Амеморандум анапаҵаҩра иалахәын: Аԥснытәи аҳәынҭқарратә университет аректор ицхырааҩ Анжела Қаџьаиа, ААУ абиолого-географиатә факультет агеографиеи атуризми акафедра адоцент Игор Ҵулаиа.

Урыстәылатәи атуризми асервиси аҳәынҭқарратә университет аректор, аҭоурыхтә ҭҵаарадыррақәа рдоктор, апрофессор Александр Федулин, Урыстәылатәи атуризми асервиси аҳәынҭқарратә университет иатәу жәларбжьаратәи аусеицуразы Иреиҳау ашкол адиректор, асоциологиатә ҭҵаарадыррақәа ркандидат, адоцент Марина Гозалова, атуризми асасдкылареи Иреиҳау ашкол адиректор, аекономикатә ҭҵаарадыррақәа рдоктор, апрофессор Ирина Бушуева, Урыстәылатәи атуризми асервиси аҳәынҭқарратә университет иаҵанакуа атуристтә хсаалақәеи амҩақәҵагақәеи рбиблиотека анапхгаҩы, агеографиатә ҭҵаарадыррақәа рдоктор Олег Афанасиев.