Аиԥылара иалахәын ААУ актәи апроректор Виктор Маланӡиа, аекономикатә факультет адекан Ева Озган, аҭоурыхтә факультет адекан Алик Габелиа, афилологиатә факультет «Ажурналистика» аҟәша аиҳабы Гәырам Амқәаб, афилософиеи акультурологиеи ркафедра аиҳабы Иван Ҭарба.
Москватәи агуманитартә аекономикатә университет аспециалитсцәа азыҟарҵоит 1994-шықәса раахыс. 4 факультетк- агуманитартә, аекономикатә, азиндырратә, аҳазалхратә маҵзура рыла ишьақәгылоу МГЭУ аҟны алекциақәа ирыԥхьоит абарҭ азанааҭқәа рыла: ажурналистика, апсихологиа, жәларбжьаратәи аизыҟазаашьақәа, аҳазалхратә маҵзура аус уҳәа егьырҭ ахырхарҭақәеи рыла. Андреи Голубев еиҭеиҳәеит дызхаҭарнаку ауниверситет аҭоурыхи иахьатәи аусушьеи. Аиԥылараҿы иалацәажәеит аҵараиурҭақәа рыбжьара астудентцәа реиҭныԥсахлара атәгьы.

ААУ аректор Алеко Гәарамиеи афилософиатә наукақәа рдоктор Андреи Голубеви алацәажәеит ԥхьаҟатәи русеицура ахырхарҭақәа.

  Андреи Голубев ҭабуп ҳәа иеҳәеит аректор Алеко Гәарамиа дахьидикылаз, иагьааирԥшит агәаҳәара аиԥылараҿы излацәажәаз азҵаарақәа, аус аҿы рынагӡаразы. Аиԥылара ахыркәшамҭаз, асас ианашьан агәаларшәагатә ҳамҭақәа.