Аиԥылара иалахәын Урыстәылатәи аҳәынҭқарратә асервиси атуризми ауниверситет аректор Александр Федулин, ААУ   актәи апроректор Виктор Маланӡиа, агеографиеи атуризми акафедра адоцент Игор Ҵулаиа, аекономикатә ҭҵаарадыррақәа рдоктор, апрофессор Хәыта Гәымба, аекономикатә факультет адекан Ева Озган, аҭоурыхтә факультет адекан Алик Габелиа, афилологиатә факультет «Ажурналистика» аҟәша аиҳабы Гәырам Амқәаб, афилософиеи акультурологиеи ркафедра аиҳабы Иван Ҭарба.

Аиԥылараҿы Алеко Гәарамиа асасцәа ирзеиҭеиҳәеит ауниверситет аҭоурых. 

Иара убасгьы, дазааҭгылеит егьырҭ аҳәаанырцәтәи аҳәынҭқарратә ҵараиурҭақәеи ААУи русеицура атәы. Аиԥылараҿы ирылацәажәан Аԥсны атуризм аҿиара иазкыз актуалра зҵаз атемақәа.

Асас агәаҳәара ааирԥшит наҟ-наҟтәи аусеицуразы. Ирылацәажәан азеиԥш проектқәа, анаукатә конференциақәа, астудентцәа реиҭныԥсахлара атәы. Аиԥылара ахыркәшамҭаз, Александр Федулин ианашьан агәаларшәагатә ҳамҭақәа.