Аԥснытәи аҳәынҭқарратә университет акколектив ииубилеи идырныҳәалоит ААУ адоцент, аҵарауаҩ, афольклорист, алитератураҭҵааҩ, афилологиатә ҭҵаарадыррақәа ркандидат, Аԥсны ашәҟәыҩҩцәа Рассоциациа алахәыла, Д.И. Гулиа ихьӡ зху Аԥсуаҭҵааратә институт аиҳабы Арда Енвер-иԥа Ашәба. 

Ҳаҭыр зқәу Арда Енвер-иԥа! Аҵараиурҭа аҟны аус шәуеижьҭеи еиҵашәааӡахьеит имаҷымкәа аспециалистцәа  ҿарацәа, ирылашәааӡахьеит афилологцәа рзы ихадоу ацәаҩа - ажәа аҵаки, аԥшӡареи. 

Шәџьабааи, шәлагалеи рацәоуп апрофессионалцәа разыҟаҵара аус аҟны. 

Ари амш лаша аҽны гәык-ԥсыкала ишәзеиӷьаҳшьоит агәабзиара еицамк, агәалаҟазаара бзиа, иҿыцу аҭҵаарадырратә аартрақәа, аԥсуа ишықәсынҵыра.