Аконференциа аиҿкааратә комитет иалахәын: афилологиатә факультет адекан, афил.ҭҵ.рканд., адоцент Баҭал Антипа-иԥа Хагәышь; Афилологиатә ҭҵ.рдоктор, апроф., аԥсуа бызшәа акафедра №1 аиҳабы Оҭар Платон-иԥа Ӡиӡариа; Афилологиатә ҭҵ.рканд., адоцент, аԥсуа литература акафедра аиҳабы Диана Серапион-иԥҳа Аџьынџьал; Афилософиатә ҭҵ.рдоктор, ажурналистика акафедра аиҳабы Гәырам Артиом-иԥаАмқәаб; Афилологиатә ҭҵ.рканд., адоцент, англызи анемец бызшәақәеи ркафедра аиҳабы Гәында Константин-иԥҳа Герхьелиа; Адоцент, аурыс бызшәа акафедра аиҳабы Риҵа Нурбеи-иԥҳа Оҭырба; Вл.Анқәаб ихьӡ зху аԥсуа литература акабинет аиҳабы Ахра Владимир-иԥа Анқәаб. Аконференциа рхы аладырхәыит ААУ аҭцаараус азы апроректор Џьульетта Ианкәа-́иԥҳа Адлеиба, ажәахәқәа ҟазҵоз астудентцәа рыҭҵаарадырратә напхгаҩцәа. Аконференциа еиднакылон афилологиатә факультет асекциақәа ԥшьба: аԥсуа бызшәеи алитературеи, аурыс бызшәеи алитературеи, ажурналистикеи, аҳәаанырцәтәи абызшәақәа рсекциақәа. Аԥсуа бызшәа асекциа анапхгаҩцәа: афилологиатә ҭҵаарадыррақәа рдоктор, апрофессор Ӡиӡариа Оҭар Платон-иԥа, Аԥсуа литература акафедра аиҳабы, адоцент Аџьынџьал Диана Серапион-иԥҳа. Ажурналистика аҟәша асекциа анапхгаҩы: афилос.ҭҵ.рдоктор Гәырам Артиом-иԥа Амқәаб. Аурыс бызшәеи алитературеи рсекциа анапхгаҩы: Риҵа Нурбеи-иԥҳа Оҭырба . Аҳәаанырцәтәи абызшәақәа рсекциа анапхгаҩы афил. ҭҵ.рканд., адоцент Гәында Константин-иԥҳа Герхьелиа. Аԥсуа бызшәа асекциа аҟны ажәахәқәа ҟарҵеит 6-ҩык астудентцәеи, 3-ҩык аспирантцәеи. Ажурналистика аҟәша а́ҟны ажәахәқәа ҟарҵеит 4-ҩык астудентцәа. Аурыс бызшәеи алитературеи рсекциа аҟны 4-ҩык астудентцәа. Аҳәаанырцәтәи абызшәақәа рсекциа аҟны 6-ҩык астудентцәа. Ажәахәқәа зегьы харҭәаан астуденцәа рхатәы презентациақәа рыла. Афилологиатә факультет апрофессортә-рҵаҩартә еилазаара рықәгыларақәа рҿы ирҳәеит, аконференциа аҟны иззыӡырҩыз атемақәа рыҟны еиҩыжьрақәак шыҟазгьы, иааидкыланы иугозар астуденцәа шьаҿа-шьаҿала аҭҵаарадырра амардуан ихало рзы ишԥышәа бзиоу, астудентцәа ирыҭаз азҵаарақәа рыла алкаақәа ҟарҵон. Афилологиатә факультет адекан Баҭал Антипа-иԥа Хагәышь иқәгылараҿы дахцәажәеит асоциалтә ҳақәеи, Аԥсны Аҳәынҭқарра аҟны иҟоу асаитқәеи аԥсуа бызшәала аинформациа аиҭагара шаҭаху: «Дарбанзаалак ажәабжь иаԥхьо изын иаԥҵатәуп алшара, ихатәы бызшәала даԥхьартә еиԥш», - ихәеит адекан. Ажурналистцәа рахь ихы рханы иҳ́әеит, дара ишрылдыршар акәу ишьақәгылаз апроблемақәа цәырганы рыхцәажәара. Афилологиатә ҭҵ.рдоктор апроф. Оҭар Платон-иԥа Ӡиӡариа астудентцәа иреиҳәеит: «Шәзанааҭ мацара адырра азхом, уи акәша-мыкәша иҟоу зегьы шәдыруазар ауп, убасҟан ауп шәыԥсадгьыл аҿахәы шәҳәартә шәаныҟало». Аконференциа хыркәшо аԥсуа литература акафедра аиҳабы Диана Серапион-иԥҳа Аџьын́џьал иҭабуп ҳәа ралҳәеит уи алахәцәа: «Иҟоу аԥкрақәа раамҭа ҳасаб азуны ацәшәара сыман астудентцәа рыҩаӡара зыҳаракымхар ҳәа, аха, иахьатәи рықәгылара иаҳнарбеит алыҵшәа бзиақәа, иаабеит ԥхьаҟа аус зыдулатәу, хшыҩзышьҭра зҭатәу. Шәара шәоуп ҳара ҳзыԥсахша, иахьа аҟарагьы Аԥсны аҭагылазаашьа бзиа ҟамлацт аҵареи, аҭҵаарадырреи еихазҳар зҭаху рзы», - лҳәеит Д.Аџьын́џьал.