Аԥснытәи аҳәынҭқарратә университет аԥсуа литература акафедра аколлектив, апоетесса, аиҭагаҩ, ААУ арҵаҩы еиҳабы, Аԥсны ашәҟәыҩҩцәа Реидгыла алахәыла, Д.И.Гәлиа ихьӡ зху Аҳәынҭқарратә премиа алауреат, 11 поетикатә шәҟәқәа равтор Гәында Валентин-иԥҳа Сақаниа лиубилеи лыдырныҳәалоит.

Акыр иаԥсоу Гәында Валентин-иԥҳа! Ҩажәихәба шықәса инареиҳаны аус шәухьеит Аԥснытәи аҳәынҭқарратә университет аҟны. Имаҷымкәа имҩаԥыжәгахьеит аҟыбаҩ ҷыда злоу аҿар рыҩаӡара аизырҳаразы аиԥыларақәа. Шәара ҳтәыла анҭыҵгьы шәдыруп зыхьӡ нагоу поетессаны. Шәнапы иҵыҵхьоу шәажәеинраалақәа ирныԥшуеит шәыԥсадгьыл ахь ишәымоу агәыблыра. Уи ацәанырра ҳаракы рылашәааӡоит астудентцәа. Шәеиҭагамҭақәа рыла аҿар идеилшәыркаауеит аԥсуа бызшәала иузымҳәо хшыҩҵакык шыҟам. Уи еиҵагыло абиԥарақәа рзы ԥышәа дууп.

Гәык-ԥсыкала ишәыдаҳныҳәалоит шәиубилеи. Ишәзеиӷьаҳшьоит агәабзиара, агәамч, арҿиаратә гәаҳәара, иҿыцу аартрақәа. Шәнапы злаку аусқәа зегьы рҿы еснагь ишәыцзааит аманшәалара!