Жьҭаарамза 22 рзы Аԥснытәи аҳәынҭқарратә университет аексперименталтә биологиеи амедицинеи абазатә кафедра  НИИЕПиТ иҟоу аҟны имҩаԥысит  амед. ҭҵ. рдоктор, Урыстәыла Агәабзиарахьчара иатәу Амилаҭтә ҭҵаарадырратә аепидемиологиеи амикробиологиеи Н.Ф.Гамалеи ихьӡ зху ацентр аусзуҩ Лиудмила Николоаи-иԥҳа Синиашина ллекциа астудентцәеи арҵаҩцәеи рзы .

Алекциа еихшан ҩ-хәҭакны: ачымазара аҿиареи амеханизми, ачымазара аламырҵәаразы акарантини аҽыхьчагатә лаҵеи иааныркыло аҭыԥи. Аиԥылара рҽаладырхәт Аԥышәарҭатә паталогиеи аексперименталтә медицинеи аинститут аусзуҩцә, ААУ астудентцәеи арҵаҩцәеи, апресса аусзуҩцәа.