Аԥснытәи аҳәынҭқарратә университет  аексперименталтә биологиеи  амедицинеи ркафедреи , Аԥсны Аҳәынҭқарра Агәабзиарахьчара аминистрреи , аҽкы чымазара ауааԥсыра рацәыхьчаразы аоперативтә штаби еицымҩаԥыргоит ауниверситет аусзуҩцәа рыбжьара  акороновирус алкааразы атест. Атестмҩаԥгара  мҩаԥыслоит ҩы-мчыбжьа,  аҵараиурҭа аҵаратә шықәса апроцесс иалагаанӡа.

Аексперименталтә биологиеи  амедицинеи ркафедра аиҳабы, абиологиатә ҭҵаарадыррақәа ркандидат, адоцент Л.О.Аҳәба  илҳәеит: «Агәаҭара мҩаԥысуеит ишақәнагоу еиԥш, аҵараиурҭа  аусзуҩцәа еилыркаауеит ргәабзиара ҳшахӡыӡаауа. Атестмҩаԥгара хықәкыс  иамоугьы, аҵаратә шықәса апроцесс  иалагаанӡа ауниверситет аусзуҩцәа зегьы – апрофессортә-рҵаҩратә еилазаареи административтә ҟәшақәеи русзуҩцәеи аҿкы чымазаразы риммунитет  ашьақәыргылара ауп. Ҳара иалаҳкаауеит аҿкы атәым цәеижь аҿагылара  ҳзырбо иӷәӷәоу аимуннитет раԥҳьатәи ашьаҿақәа раан. Ҳара иҳамоуп 761-ҩык аусзуҩцәа, иуадаҩуп агәаҭарақәа рлыҵшәа атәы аҳәара. Иахьатәи амш аҽны ҩажәижәаба-ҩынҩажәаҩык агәаҭара иахысхьеит, амчыбжь анҵәамҭазы иаҳҳәарц ҳалшоит иахьынӡаҳамоу ачымазара иаҿагылоу ҳзыхьчо амикрохәҭақәа. Атест мҩаԥгара хацаркын нанҳәа 31  инаркны, ихыркәшахоит цәыббрамза 11 рзы.