Рашәарамза 28 рзы «Аекономика» арҵаратә программа хырхарҭала «Аҳәынҭқарра финанстә гәаҭареи аудити» аҟны имҩаԥысит амагистертә диссертациақәа рыхьчара.

Аихшьалатә аҳәынҭқарра-аттестациатә комиссиа онлаинла хантәаҩра аиҭеит Урыстәылатәи Аҳәынҭқарра аҟны иаԥҵоу Афинанстә университет аҿы аус зуа аекономикатә ҭҵаарадыррақәа рдоктор, аекономикатә ҭоурыхи, аекономика аҵара аҭоурыхи ркафедра апрофессор, Ниу-Иорктәи аҭҵаарадырра академиа алахәыла Иадгаров Иаков Семион-иԥа.

Амагистертә диссертациақәа ртемақәа азкын актуал-практикатә ҵакы змоу апроблемақәа, Аԥсны араионқәа рҟны аинициатив-биуџьеттә асоциал-економикатә ҿиара аконцепциа шьаҭас измоу; аудит алҵшәа бзиа аҳәынҭқарратә финанстә гәаҭараҟны; Аԥсны аҳәынҭқарраҿы афинанстә ҵарадырра аԥҵара афинанстә культура ашьақәыргыларазы; Аԥсны аҳәынҭқарратә финансқәа рхапхгараҿы апрограмматә знеишьа аԥышәаларҵәара.

Адиссертациа хьчараан аушьҭымҭацәа иаадырԥшит рхатәы ҭҵаарадырратә усура алҵшәа, аекономикатә анализ амҩаԥгараҿы рԥышәа, ирылдыршеит рыҭҵаарадыра алҵшәа ашьақәырӷәӷәара.

Аттестациатә комиссиа ахантәаҩы Иаков Иадгаров иажәақәа рыла: «ари аусмҩаԥгатә ихадоу хҭысуп астудентцәеи, апрофессор-рҵаҩратә еилазаареи ҳареи ҳусеицураҿы. Аушьҭымҭацәа ртемақәа аинтерес рыҵоуп аҳәынҭқарра-финанстә гәаҭареи аудити рпроблемақәа амҽханакуеит, абиуџьет-шәахтәқәа реиҿкаара Аԥсны Аҳәынҭқарраҿы уҳәа азҵаарақәа жәпакы. Амагистертә диссертациақәа зегьы атеориатә хырхарҭақәа рыдагьы, ирымоуп ахархәаратә аспектгьы».

Сынтәа аҳәынҭқарратә аихшьалатә аттестациахь инашьҭын 35-ҩык аушьҭымҭацәа, урҭ рахьтә 7-ҩык диплом ҟаԥшьыла рҵара иалгоит.

- Аҳәынҭқарратә финанстә гәаҭареи аудити, апрограмма анапхгаҩы – афинансқәеи акредити ркафедра аиҳабы, аекон.ҭҵ.рканд. Кәаранӡиа А.А.

- Аҳасабеилыргара анализи аудити, апрограмма анапхгаҩы – аҳасабеилыргареи анализи аудити ркафедра аиҳабы, аекон.ҭҵ.рканд., адоцент, Кәыҵниа М.Г.

- Аекономика, анаплакқәа реиҿкаареи, апрограмма анапхгаҩы -

Аҳәынҭқарратә напхгареи аменеџьменти ркафедра аиҳабы, аекон.ҭц.рдоктор, апроф. Гәымба Хә.М.