Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Ажәабжьқәа

ААУ аҭоурыхтә факультет актәи акурс астудентцәа  Аҟәатәи абаа аҿы имҩаԥыргеит археологиатә усурақәа

ААУ аҭоурыхтә факультет актәи акурс астудентцәа Аҟәатәи абаа аҿы имҩаԥыргеит археологиатә усурақәа

Сентиабр 11 инаркны, ААУ аҭоурыхтә факультет актәи акурс астудентцәа, Аҟәатәи абаа аҿы иахысеит археологиатә практика. Апрактика напхгара аиҭон аҭоурыхтә наукақәа ркандидат, аҭоурыхтә факультет адекан, археолог Алик Габелиа.

Аҟәатәи абаа археологиатә практика амҩаҧгаратә базаны иҟоуижьҭеи абар шьҭа 15 шықәса инарзынаҧшуеит-иҳәеит аҭоурыхтә факультет адекан Алик Габелиа. “Ари аҭыҧ аҭоурых факультет аҿы аҵара зҵо астудентцәа рзы ицхыраагӡа дуны иҟоуп. Ара, антика инаркны ҳазҭоу аамҭанӡа Аҟәа ақалақь аҿиара иадҳәалоу аҭоурых етапқәа зегьы аарҧшуп”, - ҳәа иазгәеиҭеит адекан.

“Ари ҳара раҧхьаӡа акәны имҩаҧааго археологиатә ҧышәароуп. Ҳара даара аинтерес аҵаны игәнаҳкылуеит иҳбо иҳаҳауо зегьы. Ас еиԥш иҟоу апрактика адырра бзиа ҳанаҭоит, сгәы иаанагоит, уи ҳаԥхьаҟа ҳҵараҟны ҳхы иаҳархәап ҳәа- апрактика инаҭаз анырра атәы далацәажәо иҳәеит, ААУ аҭоурыхтә факультет актәи акурс астудент Хәытаба Азамаҭ.