Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Ажәабжьқәа

Раиса Гәыблиа 87 лхыҵра

Раиса Гәыблиа 87 лхыҵра

Абҵарамза 27 рзы имҩаԥган аҵарауаҩ, афилологиатә наукақәа ркандидат, адоцент, ААУ «Ҳаҭыр зқәу апрофессор» ҳәа ахьӡ зху Р.К. Гәблиаԥҳа 87 шықәса лхыҵра иазку анаукатә конференциа.

Аконференциаҿы иқәгылеит:
Афилологиатә факультет адекан иусқәа назыгӡо, афилологиатә наукақәа ркандидат, апрофессор Хагәышь Б.А.
Апроректор, афилологиатә наукақәа рдоктор, апрофессор Адлеиба Џь. И.

«Р.К. Гәблиаԥҳа лыԥсҭазаареи лырҿиареи» ҳәа ажәахәла дықәгылеит афилологиатә наукақәа рдоктор, апрофессор, аԥсуа бызшәа актәи акафедра аиҳабы Ӡиӡариа О.П.

Афилологиатә наукақәа рдоктор, апрофессор, академик, Ҷкадуа Л.П. лықәгылара темас иаман «Аморфематә еилазаареи уи асистемеи Р.К. Гәблиаԥҳа лусумҭақәа рҿы»

Афилологиатә наукақәа рдоктор, апрофессор, академик Ҳагба Л.Р. лықәгылара азылкит «Р.К. Гәблиаԥҳа лыҭҵааратә усура»
«Аԥсуа етимологиатә ҭҵаара Р.К. Гәблиаԥҳа лусумҭақәа рҿы» ҳәа ажәахә ҟалҵеит филологиатә наукақәа ркандидат, адоцент Ҭаниаԥҳа Е.Ш.

«Р.К. Гәблиаԥҳа арҵага шәҟәқәа рҿы лџьабаа атәы» хыс измаз ажәахә ала дықәгылеит апедагогикатә наукақәа рдоктор, апрофессор Ажьиба А.Ш.