Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Ажәабжьқәа

ААУ аҟны имаԥысит аизга «Ажәлар рыбзиабара иалнахыз» аӡыргара.

ААУ аҟны имаԥысит аизга «Ажәлар рыбзиабара иалнахыз» аӡыргара.

Аҟәа. Жьҭаарамза 26,2018. Аԥснытәи Аҳәынҭқарратә университет аҟны имҩаԥысит Аԥсны жәлар рпоет Баграт Уасил-иԥа Шьынықәба ирҿиареи иныс мҩеи ирызку алитература-критикатә статиақәа реизга «Ажәлар рыбзиабара иалнахыз» аӡыргара.

Аизга ианылеит ирҿиаратә мҩеи ипоезиеи ирызку аԥсуа ҵарауаа рыҭҵаарадырратә усумҭақәа. :«Аԥсҭазаара згәылԥхаауа апоезиа», «Абаҩхатәра ду ицәырнагаз» «Зааԥынра миасӡо аҟармаҵыс», «Аҩадара уалс изду»; иажәеинраалоу ироманқәа ирызкны : « Аҿатә уаа», «Насыԥ имоуп ажәлар лыԥха зауз» «Ахреи ашәеи» ; Ипрозатә рҿиамҭақәа ирызку «Ахәышҭаареи азқәаҭыԥи», «Жәларык рҿахәы» ; Жәлар рпоети жәлар рҿаԥыцтә ҳәамҭақәеи ирызку «Амалқәа рмал», Ашәышықәсақәа зырцәажәо ашәҟәы» уҳәа еиуеиԥшым аамҭақәа рзы апериодикатә ҭыжьымҭақәа ирнылаз, иахьа зԥыхьашәара уадаҩу жәлар рпоет ирҿиамҭақәа рыхцәажәара иазку аусумҭақәа. Иааидкылан аизга еиднакылеит ҩынҩажәи ааба статиа, дара хронологиала еишьҭагалоу ахәҭақәа рыла ишьақәылоуп.

«Ажәлар рыбзиабара иалнахыз» еиқәыршәаҩцәаз иамоуп ААУ афилологиатә наукаќәа ркандидат, адоцент, аԥсуа литература акафедра аиҳабы Диана Џьынџьалԥҳаи, ААУ арҵаҩы еиҳабы Ахра Анқәаби. Иҭыжьуп ауниверситет анапхгара иҟарҵаз ацхыраара иабзоураны.
Ашәҟәы аӡыргара иазкыз аусмҩаԥгатә иалахәын Баграт Шьынқәба иԥа Бенур Шьынқәбеи, Аԥсны ахада иабжьгаҩ Владимир Занҭариа, иара убас аҵарауаа, астудентцәа.

Ари амш аҽны афилологиатә факультет аудиториақәа руак Баграт Уасил-иԥа ихьыӡ ахырҵеит. Иахьарнахыс ари ауада аҟны алекциақәа ирыԥхьалоит афилологиатә факультет астудентцәа. Иара убас иаԥҵоуп Баграт Шьынқәба ихьӡ зху астипендиа, уи ланашьахеит афилологиатә факультет аԥсуа бызшәеи алитературеи рзанааҭ ала аҵара зҵо, ахԥатәи акурс астудентка Инаԥшьԥҳа Алиса.

Аиԥылара аҿы иқәгылаз аҵарауаа иазгәартеит, аизга, атцаарадырраҿы аҵак ду шамоу . Уи цхыраагза дуны ишыҟало аҿар ԥхьаҟатәи рҵарадырра аҿиараҿы.