Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Ажәабжьқәа

Аԥснытәи Аҳәынҭқарратә Университет

Аԥснытәи Аҳәынҭқарратә Университет

Октиабр 26 , асааҭ 12 рзы ААУ аԥсуа литература акафедра аҟны имҩаԥгахоит «Ажәлар рыбзиабара иалнахыз» ҳәа хыс измоу, Баграт Шьынқәба иԥсҭазаареи  ирҿиареи ирызку алитература – критикатә статиақәа реизга аӡыргара. Аизга еиднакылеит ҩынҩажәи ааба усумҭа. Ишьақәгылоуп хәы-хәҭак рыла. Урҭ рызкуп жәлар рпоет  ирҿиаратә мҩеи ипоезиеи; иажәеинраалоу ироманқәеи ипрозатә рҿиамҭақәеи. Аизга  еиқәыршәаҩцәас иамоуп  ААУ адоцент  Диана Џьынџьалԥҳаи ААУ арҵаҩы еиҳабы Ахра Анқәаби. Зыӡбахә цәыргоу аизга ианылеит В.С Занҭариа, Шь.Д.Инал-иԥа, Хә.С.Бӷажәба, В.Л.Аҵнариа, М.Т.Лашәриа, Б.А.Гәыргәлиа, А.Н.Гәогәуа, Ш.Хь.Салаҟаиа, Џь.Б.Аҳәба, Р.Хә.Қапба  уҳәа реиԥш иҟоу аҵарауаа русумҭақәа.

Афилологиатә факультет, аԥсуа литература акафедра аиҳабы Диана Џьынџьалԥҳа лажәақәа рыла  уи амш аҽны ргәы иҭоуп  афилологиатә факультет аудиториақәа руак Баграт Уасил-иԥа ихьӡ ахҵара.