Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Ажәабжьқәа

ААУ аҟны имҩаԥысит Олег Шамба 80 шықәса ихыҵра иазкыз аконференциа

ААУ аҟны имҩаԥысит Олег Шамба 80 шықәса ихыҵра иазкыз аконференциа

Аҟәа. лаҵарамза 30,2018. Аԥснытәи аҳәынҭқарратә университет аҟны имҩаԥысит аҭҵаарадырразы апроректор, аекономика аҭҵаарадыррақәа рдоктор, апрофессор, академик, иналукааша ауаажәларратә усзуҩы Олег Шамба 80 шықәса ихыҵра иазкыз аконференциа.

Аҵарауаҩ иԥсҭазаареи иусуратә мҩеи иазааҭгылеит иҩызцәа, иколлегацәа иара убас астудентцәа.

Аҵарауаҩ инапы злакыз аусқәеи уи илагалеи ртәы еиҭеиҳәеит аекономика аҭҵаарадыррақәа рдоктор Заур Шьалашьаа.
"Даара иӷәӷәаз ҵарауаҩын аекономика аганахьала. Иара убас уи дрызҿлымҳан ажәеинраалақәа рыҩра, ажәлар рҿаԥыцтә ҳәамҭақәа реизгара. Даара иџьабаа дуун аҿар рааӡараҿы. 2000 шықәса рзы иара ихатә программа ҟаиҵеит, аҳәынҭқарратә ахьӡҵаны, араионқәа рҿы аекономика ашьҭыхразы иаҭаху аусқәа ҳәа", — азгәеиҭеит Шьалашьаа.

Аԥсны жәлар рџьынџьтәылатәи аибашьра рветеран, Леон иордени, «Ахьӡ-аԥша» аордени 2-тәи аҩаӡара занашьоу Олег Шамба ҳмилаҭ амцашыра иналагылаз аамҭаз ирацәан иџьабаа.

Аибашьра ашьҭахь Олег Шамба аамҭак ала аекономика аминистр ихаҭыԥуаҩс Аԥснытәи аҳәынҭқарратә университет аҟны аҳасабелыргареи аудит ркафедреи еиҳабыс аус иуан.

1997 шықәсазы рзы аҵараиурҭа апроректорс аусура далагеит.