Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Ажәабжьқәа

 Гьаргь Амиҷба ихьӡ зху ауада аартра

Гьаргь Амиҷба ихьӡ зху ауада аартра

Аҟәа. лаҵарамаза 10,2018. Аԥснытәи аҳәынҭқарратә университет, аҭоурых факультет аҟны имҩаԥысит аҵарауаҩ, аҭоурых анаука ркандидат, апрофессор Гьаргь Амиҷба ихьӡ зху акабинет аарта.

Аизара аартуа аҭоурых афакультет адекан Алик Габлиа еиҭеиҳәеит аҭоурыхҭҵааҩ иԥсҭазаареи иҭҵаарадырратә усурақәеи ртәы. Аԥсуа аҭоурых аҭҵааҩы Гьаргь Амиҷба ААУ апрофессор акыр шықәса аус иуан аҭоурых афакультет деканс, аԥсуа ҭоурых акафедра хадас».

Иԥсҭазаареи иҭҵаарадырратә усуреи рзы ажәахә ҟаиҵеит аҭоурых аҭҵаарадырра рдоктор В. Бигәаа.

Гь. Амиҷба аԥсуа бызшәахь еиҭеигеит американтә аетнолог Сула Бенет иусурақәа; румыниатә ашәҟәыҩҩы Виктор Кернбах, Аԥсны иазку; Жәлар рышәҟәыҩҩы Алықьса Гәогәуа иареи еицеиҭаргеит Иакуб Цурҭавели иҭоурыхтә ҩымҭа «Мученичество святой Шушаник».

Гьаргь Амиҷба диит лаҵарамза 10, 1936 шықәсазы ақыҭа Ӷәада Очамчыра араион. Далгеит Қарҭтәи АУ, иара убас Қырҭтәыла Академиа иатәу аҭоурых Аинститут аҟны аспирантура. Убри ашьҭахь далагеит аусура Дырмит Гәылиа ихьӡ зху Аԥсуа абызшәеи, алитературеи, аҭоурыҳи ринститут аҿы.