Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Аҧсны Аҳәынҭқарратә Университет



1932ш. азы Аҟәатәи иреалтәу аҵараиурҭеи, Аҟәатәи аҳәынҭқарратә қыҭанхамҩатә институти рбиблеотекақәа рхархәарыла еиҿкаан Аҳәынҭқарратә педагогикатә институт абиблеотека ҿыц,  1979ш. азы уи ААУ аҵарадырратә библеотека ҳәа еиҭашьақәыргылан. 

2004ш. азы Аҧсны жәлар рпоет Д. И. Гәлиа ихьӡ ахырҵеит. 


Ари абиблеотека иреиҳау акатегориа ахь иаҵанакуеит. Иаднакылоит 300-ҩык инарзынаҧшуа аҧхьаҩцәа. Абиблеотека аҳәаақәа 1750квад.ҧшьырк инаӡоит,  аҧхьарҭатә уада аҿы аамҭак ала аус рур арылшахоит хыҧхьаҟарала 100–ҩык рҟынӡа. Абиблеотека аҿы автоматизациа зызу абиблеографиатә система иаҵанакуеит  4 - електронтә каталог, 800–нҵамҭак, алитературатә фонд – 553890 хыҧхьаӡарала, уахь иаҵанакуеит 12770– аҧсуа сахьаркыратә литература, иара убас анаукатә литература -107000, 1560 – зҧыхьашәара уадаҩу ашәҟәқәа.    

ААУ аҵарадырратә библеотека аусзуҩцәа еснагь русура ахаҭабзиара аҳаракра иашьҭоуп. Хықәкы хаданы ирымоуп астудентцәа рзы аҵарадырра процесс арманшәалара, иара убас арҵаҩратә профессортә еилазаара аҭҵаарадырра инақәыршәаны аиҿакра.


Ауниверситет аҟны еиҿкаауп, аусгьы ауеит аинформациатә ҧхьаӡаратә центри, амилаҭтә информациатә центри. Хықәкы хадас иамоуп афакультетқәеи, акафедрақәеи, еиуеиҧшым ахәҭақәеи атехникатә маҵзура аҵараиура апроцесси, аҭҵаарадырратә усзуреи шәҟәыла реибыҭара.