Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Аҧсны Аҳәынҭқарратә Университет

       

                       Аҭоурых аҟны иалукааша аамҭа 

1932ш.- Аҧсны Наркомпрос ақәҵарала ишьаҭаркын А.М.Горки ихьӡ зхыу Аҟәатәи аҳәынҭқарратә апедагогикатә институт. 3 факультетк рҟны: агро-биологиатә, афизика-математикатә, ауаажәларра-литературатә, аҵара рҵон 85-ҩык астудентцәа. 3-кафедрак акәын иҟаз – аматематика, афизика, ахимима. 17-ҩык аусзуҩцәа аус руон (зегьы аҭҵаарадырра ҩаӡарада). 

1933ш. – иаатит аурыс бызшәа акафедра;                                                                                                               
1935ш. –иаатит абатаника акафедра;                                                                                                          
1936ш. – раҧхьатәи аинститут аушьҭымҭацәа;                                                                                                   
1937ш. - раҧхьатәи ауниверситет акорпус аусура иалагеит; еиҿыркааит атәымбызшәақәа ркафедра, иаатит аурыси аҳәаанырцәтәи алитературақәа ркафедра;                                                                                                   
1940ш. – фышықәсатәи атәымбызшәақәа ркурсқәа, уаҟа иазыҟарҵоит аспециалистцәа ихарҭәаам абжьаратә школқәа рзы;                                                                                                                                                                 
1941ш. – Аџьынџьтәхылатә еибашьра дуӡӡа иалагаанӡа аинститут аҟны аус руон быжь факультетк: афизика-математикатә, абызшәеи алитературеи, аҭоурых, агеографиа, аҧсабараҭҵаара, атәым бызшәақәа, аспорти махәҿалатәи ааӡара. 2076-ҩык астудентцәа, 103-ҩык аусзуҩцәа; 

1941-1945 шш. – Аџьынџьтәылатә еибашьра дуӡӡа. 500-ҩык астудентцәеи аусзуҩцәеи рҟынӡа – Аџынџьтәылатә еибашьра дуӡӡа иалахәын, 160-ҩык иранашьоуп аорденқәеи амедалқәеи;
1946ш.- аинститут аҟны иаартын аспирантура абарҭ аспециальнастқәа рыла: аматематика анализ, амаҟәҿалатәи агеографиа, СССР аҭоурых, аҭоурых ҿыц, ақырҭуа бызшәа, аҭырҭуа литература;
 
1947ш. – ахәылбыҽхатәи аҟәша аусура иалагеит;
 
1954ш. – абызшәеи алитературеи ркафедраҟны иаартын аҧсуа сектор, иалагеит аҧсуа школқәа рзы апедагогикатә кадрқәа разыҟаҵара;
Сентиабр  1 1957ш. – иаартын апедагогикатә факультет алагарҭатә школқәа рырҵаҩцәа разыҟаҵаразы, 3 секторкны (аҧсуа, аурыс, ақырҭшәа).
    
1957ш. инаркны аинститут адиректор Ӡиӡариа Георги Алықьса-иҧа иабзоурала иалагеит Аҧсны аҭоурых арҵара; 
   
1960-1961 ахәылбыҽхатәи арҵаратә шықәсқәа аурыс бызшәеи алитературеи рзы аспециалистцәа разыҟаҵара иалагеит. 
    
1962ш. – аинститут  30-шықәса ахыҵра, ари аамҭазы аинститут иоунажьит 5400-ҩык аспециалистцәа, аҵара рҵон   1800-ҩык инареиҳаны астудентцәа, аус руон    125-ҩык аусзуҩцәа,  3—ҩык апрофессорцәеи, 50-ҩык адоцентцәеи аҭҵаара акандидатцәеи уахь иналаҵаны;
   
1965ш. – аҧсуа бызшәеи алитературеи ркафедра еиҟәшан ихьыҧшым ҩ-кафедракны: аҧсуа бызшәа акафедра (акафедра анапхгаҩы – адоцент Гәыблиа Г.К.);
         
1979ш.- ЦК КПСС рықәҵаралеи СССР Аминистрцәа реилазаара,          1980ш – иаартын аекономикатә факультет;
        
1981ш. – иаатит абатаникеи азоологиеи ркафедра, ауаҩ иеиҿартәышьа акафедреи, аҧсаатәқәеи, ахимиеи.     
   


ААУ- ари арҵаратә, аҭҵаарадырратә, культуратә центруп Аҧсны Аҳәынҭқарразы, зхала ишьақәгылоу автономтә университетуп. Ауниверситет аҭоурых алагоит 1932ш. инаркны. Аҧсны Аҳәынҭқарратә арҵаҩратә институт хықәкы хадас  иамаз арҵаҩцәа разыҟаҵара акәын. Аха 1979ш. рзы Ареспублика апединститут аҿаҧхьа иқәнаргылоз адҵақәа ирыбзоураны еиҭашьақәыргылан Аҧсны Аҳәынҭқарратә университет ҳәа. 

ААУ 80-тәи аш. ирылагӡаны изнысыз амҩа, ҳауаажәлар ирылаанаӡеит атрадицақәеи аҧышәеи. Иахьа ААУ-иаку аҭҵаарадырреи аҵарадырреи ирусбарҭоуп, ихаданы иуалҧшьаны ауниверситет аҿы дҵас иқәгылоу мҽхакы ҭбаала аспециалистцәа разыҟаҵара ауп. Ауниверситет ауасхыр анышьҭарҵаз инаркны иамоу атрадицақәа, еиламгакәа иаларгалоит иахьатәи аамҭа иақәшәо атехналогиақәа. Ауниверситет аусура еиҿкаауп, имҩаҧысуеит Аҧсны  ахада  иқәҵара ААУ автаномтә статус аҭара(УП-107,30.08.20069) иқәныҟәаны. 

ААУ – аустав, анормативтә актқәеи, аметодқәеи рхархәара алшартә еиҧш иахәаҧшуеит. Ауниверситет аҟны аҵаратә процесс мҩаҧысуеит аа-факультетк рыла: афизика-математикатә, абиолого-географиатә, афилологиатә, аҭоурыхтә, азиндырратә, аекономикатә, апедагогикатә, агроинџьныртә. ААУ аструктурахь иаҵанакуеит 42-кафедра, ишьаҭарку Аҧсны аҭҵаарадырра академиа иатәу 6-абазак. Ауниверситет аҿы 3000-ҩык  рҟынӡа астудентцәа аҵара рҵоит, 36-хырхарҭеи, азаанаҭдырра иаҵанакуа афундамендалтә комплекси, ацхыраагӡатә ҭҵаарадыррақәеи еиҿкаауп.

Азыҟаҵара мҩаҧысуеит Болонтәи адекларациа асистема аҩаӡарала, иара убас еиҳау аҵараиурҭақәеи еиуеиҧшым атәылақәа рсистема ахархәара аманы, иҵегь иазааигәаны иуҳәозар Европатәи аҵарадырра, амҽхак аҽалархәны.

Раҧхьатәи аҩаӡара еиҳау аҵара-абакалавриат иалгаз астудент иаҭәашьахоит абакалавр. Ари аҵара латәаратәи системала ҧшь-шықәса аҭаххоит. Абакалавр иалгаз астудент уи нахыстәи иҵара иациҵарц, аҩбатәи аҩаӡарала-аспециалитет, мамзаргьы амагистратура, дазыҟаҵоуп.   Актәи ала шықәсык аҵара аҭахуп, аҩбатәи ала ҩы-шықәса. Азыҟаҵара мҩаҧысуеит ААУ апрограмма ала, аха ҳдипломқәа жәларбжьаратәи азхаҵара роурц  Урыстәылатәи Афедерациа астантандарт ирықәшәо иҟаҵоуп. Аҵара асистемаҿ иҟоуп: абызшәа, аҭоурых, аҧсуа жәлар ркультуреи рқьабызқәеи уҳәа уб.иҵ. амаҭәарқәа. Арҵара  ддырҵоит  иазыҟаҵо арҵаҩцәа, урҭ рыҩныҵҟа иҟоуп академикцәа, Аҧсны академиа алахәыла акорреспондентцәа, адоцентцәа, акандидатцәа. Ауниверситет иамоуп иахьатәи ҳаамҭа иақәшәо аудиториақәеи, акабинетқәеи, акомпиутерқәеи, иара убас иҟоуп ибеио абиблиотекеи аспорттә комплекси.
 
ААУ анаукатә ҭҵаара комплекс цоит ифундаменталтәу аусумҭақәа раҧҵаразы, иаҳҳәап: аматематикатә, аҧсабаратә, агуманитартә ҭҵаарадыррақәа рҿы. Аҧсуа ҭҵаарақәа ирыҵанакуа зегьы иалкаау аҭыҧ ааныркылоит,  уаҟа иҟоуп абызшәа, аҭоурых, аекологиа уҳәа уб.иҵ., иара убас Аҧсны асоциал-економикатә проблемақәа рыҭҵаара. Ауниверситет аусзыҩцәа иаҧырҵоит, иҭрыжьуеит: арҵага шәҟәқәа, арҵага-методикатә цхыраагӡатәқәа, алитература ҭҵааратә; иааиҧмырҟьаӡакәа иҭрыжьуеит ААУ-аусумҭақәа, аҭҵаарадырратә конференциа аматериалқәа. Иара убас иҭыҵуеит агазеҭ «Аҧсуа университет», уи иаанарҧшуеит ААУ аҵаратъ процесси, ауаажәлартә ҧсҭазаареи. 

ААУ астудентцәа активла рхы аладырхуеит еиуеиҧшым Аҧсны  антыҵтәи аҵараиурҭақәа рҿы имҩаҧырго аҭҵаарадырратә конференциақәа, афестивальқәа, аспортттә еицлабрақәа уҳәа убас иҵ. аусмҩаҧгатәқәа. ААУ Евразиатәи ассоциациа иалоуп. Урыстәылеи егьырҭ аҳәынҭқаррақәеи иреиҳау рыҭҵаарадырратә центрқәа  ирылахәуп, аиҿцаара рыбжьоуп. ААУ астудентцәа хыхь зыӡбахә ҳамоу ауниверситетқәа рҿы астажировка иахысуеит, акандидаттә, адоктортә диссертациақәа рыхьчоит. 
   
 ААУ амаҵ азызуа аҵарауааи, уаҟа аҵара зҵо астудентцәеи ахьӡ аҧша шьҭырхуеит. ААУ еиуеиҧшым аспециалистцәа алгеит, урҭ иахьа ҳ-Республика аҿиараҿы рыхәҭаа алоуп. Ауниверситет   аушьҭымҭацәа  аус руеит ҳ-Республика аекономикатә, акультуратәи, ақыҭанхамҩатәи, аҵарадырреи, аспорти рырҿиара аганахь ала. Аҧсуа университет ҳауаажәлар рзы еиҧш, ҳ-Республика азгьы иреиҳау жьиирҭоуп, уи иааӡоит ҳмилаҭ азы иаҧсоу акадрқәа зегьы. Аҿар патриотцәаны рааӡара, рыҧсадгьыли, руаажәлари бзиа ирбаратәы иҟаҵара ауп ААУ хықәкы хадас иамоу.