Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Факультеты

Афилологиатә факультет

Афилологиатә факультет шьаҭас иаиуит 1932 шықәсазы Аҟәатәи аҳәынҭқарратә институт аҿы еиҿкааз ауаажәларра-литературатә факультет. 1993 шықәсазы иаартын аурыс бызшәа акафедра, 1937 шықәсазы - аурыси аҳәаанырцәтәи литературақәа ркафедра, 1938 шықәсазы атәым бызшәақәа ркафедра, 1956 шықәсазы – аҧсуа бызшәеи алитературеи ркафедра. Амилаҭ культура аҿиараҿы акырӡа зҵазкуа ари акафедра раҧхьа еиҳабыс иамаз Тамара Платон-иҧҳа Шьаҟрыл лакәын. 1965 шықәсазы хаз-хазы еиҿкаахеит асҧуа бызшәеи алитературеи ркафедрақәа. Аҧсуа бызшәа акафедра еиҳабыс дарҭеит адоцент Кәарҷелиа А. А., алитература - адоцент Гәыблиа Гь. К.
             
Аҧсны аҿар аҵарадырра радҧхьалараҿы атрадициа шьахәқәа змоу, 80 шықәса раҧхьа иаартыз Аҟәатәи аҳәынҭқарратә арҵаҩратә институти, уи ашьҭахь иуниверситет хаз ҳҵараиурҭеи рҿы ианакәзаалакгьы иалкаау акакәны иҧхьаӡоуп афилологиатә факультет. Аҧсуа аҵарадырра рыларҵәара, аҧсуа жәлар ркультура ашьҭыхра, аҧсуа қьабзқәа рыгәцаракра, абиҧарақәа иаарго атрадициақәа реихаҳара, урҭ ныҟәызго аҿар рааӡара уҳәа убас ирацәоуп ари афакультет имҩаҧнаго ауснагӡатәқәа.
         
Иахьа Аҧсны иналукааша аҵарауаа, ашәҟәыҩцәа, ауаажәларра-политикатә усзуҩцәа, акультуреи аҟазареи рымаҵ зуа ирацәаӡаҩны афилологиатә факультет аушьҭымҭацәа роуп.
        
Афилологиатә факультет аҿы аҵара рҵоит 500-ҩык инарзынаҧшуа астудентцәа, 142 рҟынӡа еидызкыло апрофессор-рҵаҩратә еилазаара.