Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Факультеты

Апедагогикатә факультет

Афакультет еиҿкаан 1957ш. Аҟәатәи апединститут абазала.  Еиуеҧшым ашықәсқәа рзы ара аус руан апрофессор Ҭарба Б.Г., адоц. Ҟәраскуа В.Б., адоц. Аҩыӡба Г.Х., адоц. Арсентьева-Гагулиа Е.Д., арҵаҩы еиҳабы Кациа-Ҭарба Л.Б. уб. егь., афкультет ашьақәгыларазы ацхыраара ду ҟазҵаз арҵаҩцәа. Аибашьраан 1992-1993ш.ш. гәымшәарала рхы аадырҧшит афакультет  арҵаҩцәеи астудентцәеи. Урҭ рҟынтәи быжьҩык Аҩыӡба Д.В., Бранӡиа Т.Ш., Базба Х.З., Делба В.Д., Џьопуа А.А., Какалиа В.В., Царгәыш А.Л.,- рыҧсҭазаара ианалҵ иранашьоуп аорденқәеи амедалқәеи. 

 Иахьатәи аамҭаз афакультет аҿы аҵара рцоит 600-ҩык астудентцәа инарзынаҧшуа, ҽынлатәи латәрадатәи  аформақәа рыла. Урҭ адыррақәа рырҭоит 70-ҩык арҵаҩцәа, урҭ рҟынтәи 27-ҩык ирымоуп аҵрауаа рыҩаӡарақәа.  Афакультет аҿы иуоур ауеит аҵара аҩаӡара - абакалавр, аспециалист, аҭҵаарақәа ркандидат(Аус руеит асоветқәа ҩба, акондидаттә диссертациа ахьчаразы). 

1994ш.афакультет дахагылоуп апедагогикатә ҭҵаарақәа ркандидат, адоцент Бениа Л.Г. 
Афакультет иамоуп акафедрақәа ҧшьба:
- апедагогикеи аметодикеи алагарҭатә ҵараиурҭақәа рҿы(акафедра аиҳабы Касланӡиа А.М.) ;
-апедагогикеи апсихологиеи(акафедра аиҳабы- апедагогикатә ҭҵаарақәа рдоктор Царгәыш Ш.К. );
-асахьаркыратә ҿыханҵа (акафедра аиҳабы – адоцент Габелиа Л.С.);
-абҩарҵәыреи аспорти (акафедра аиҳабы- арҵаҩы еиҳабы,СССР аспорт азҟаза Аҩыӡба В.М.)
Аҵара ддырҵоит аҧсышәала, урысшәла, аерман бызшәақәа рыла.
 
Иахьатәи аамҭазы афакультет имҩаҧнагоит  азыҟаҵара абарҭ ахырхарҭақәа рыла:
№050700 «Апедагогика», №521000 «Апсихологиа», №521900 « Абҩарҵәыра», азанааҭ: №0312000 « Апедагогикеи  аметодикеи алагарҭатә ҵараиурҭақәа рҿы,  атәым бызшәа», №05060265 «Асахьаркыратә ҿыханҵа», №070600 « Адизаин» (ахырхарҭақәа: «Акостиум адизаини» «Аграфикатә дизаин»)

Афакультет аилазара иалоуп Апсихолого-педагогикатә центр, хықәкы хадас иамоуп апсихологиатә,  апедагогикатә цхыраара аҭара.                                                                               
Афакультет аҿы ибзианы иҿиоит аҭҵаарадырратә усура. Астудентцәа  русумҭақәа даара еиуеиҧшым. Аҳәынҭқарра аттестациатә комиссиа  еснагь иреиӷьу аусумҭақәа алыркаауеит. 15-ҩык инареиҳаны аушьҭымҭацәа рҵаҩцәас аус руеит. Хәышықәса иралагӡаны  ихьчоуп адоктортә диссертациа акы, акандидаттә диссертациақәа ҩба, иҭыжьуп  арҵага-методикатә цхыраагӡатәқәа, иаартуп астуденттә ҭҵааратә хеилак (СНО). Аспециалистцәа разыҟаҵаразы апрактикатә усзуҩцәа, астудентцәа, афакультет аушьҭымҭацәа адыҧхьаланы аҭҵаара-практикатә конференциақәеи асеминарқәеи мҩаҧыргоит. Ауниверситетаҿы, иара убас анҭыҵгьы астудентцәа активла амасса-культуратә усмҩаҧгатәқәа рхы аладырхәеит. Ахархәара ду рымоуп афольклортә инструменталтә ансамбль, ацәыргақәҵақәа рҿы адизаинертә маҭәақәа рколлекциа аинтерес рызцәырнагоит. Ибеиоуп аспорттә ҧсҭазаара. Имаҷҩымкәа астудентцәа алҵшәа бзиақәа рымоуп. ( Кархалаа Е.- Адунеи ачемпион –анапылатә қәҧаразы, Адлеиба А. –адунеи ачемпион акарате азы, Берулава А.- Урыстәылатәи атурнир аҿы адзиудо азы аиааира згаз, Саркисиан С. – жәларбжьаратәи атурнир адзиудо азы аиааира игеит).