Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Факультеты

Адәнытәи афольклорҭҵаараеи нарҭдырреи рцентр

ААУ Аҟны еиҿкаауп Нарҭдырреи адәынтәи афольклорҭҵаареи рцентр иҟанаҵаз ақәҵара (29.06.2011, 2579 инақәыршәаны.

Ацентр ҭҵаарадырратә шьаҭас иаиуит: аҧсуа нарҭтә епос томрацәала аҭыжьра азырхиаразы еизгаз атекстқәа, ААУ афилологиатә факультет астудентцәа ранҵамҭақәеи, Ҭырқәтәыла инхо аҧсуаа рҿы еизгаз аматериалқәаеи.  

Ацентр шьақәгылоуп быжьҩык аусзуҩцәа рыла: Ацентр аиҿкаара аҧшьызгаз, директорс дамоуп Џьопуа З. ЏЬ. (афилологиатә ҭҵаарақәа рдоктор, ААР акад.), адиректор ихаҭыҧуаҩ Какоба А.П. (аҧсуа литература акафедра арҵаҩы еиҳабы), аҭҵаратә усзуҩы еиҳабы Ҭарба С.З. (аҭҵааратә ҭҵаарадыррақәа ркандидат, адоцент), аҭҵаарадырратә усзуҩцәа: Барцыц Н.С., Ҭодуа С.З., Ҳаџьым С.О., алабарант еиҳабы Ҧлиа М.Ф.

Ацентр ихадоу хырхарҭақәаны иамоуп: аҧсуа нарҭтә епос атекстқәа рыҭҵаарадырратә ҭыжьра – томрацәала, «Европеи Азиеи рыжәларқәа репос» асериаҿы ҩ-бызшәак рыла уҳәа уб.егь.; Аҧсныи Мшыннырцәи инхо аҧсуаа рҿы афольклор-етнографиатә експедициақәа рымҩаҧгара; еизгоу аматериалқәа ашьақәыргылареи; афольклортә текстқәа ҭҵаарадыррала рҭыжьра; Ацентр ҭҵаарақәа рылҵшәақәа арҵаратә процесс ралагалара; нарҭдырреи афольклорҭҵаареи егьырҭ азҵаараҭәеи ирызкны Кавкази уи анҭыҵи имҩаҧысуа аҭҵаарадырратә усмҩаҧгақәа реимадара, рымҩақәҵара.

Ацентр иазыҧхьагәаҭан иамоуп аҧсышәалеи урысшәалеи иҟоу асериақәа хҧа рҭыжьра: "Афольклортә культура адунеи", "Ажәабжьҳәаҩи уи итексти", "Аҧсуа ҭҵааҩцәа нагацәа".
Шықәсыки мызқәаки ирылагӡаны Ацентр аҿы ихацыркуп, еиҿкаауп абарҭ аусхкқәа: быжь- томкны иҟало аҧсуа нарҭтә ҳәамҭақәа аҭыжьра разырхиара иазку ифундаменталтәу апроект (ахыркәшарахь инеиуеит); астудентцәа рфольклортә нҵамҭақәа раҧхьатәи реизга: Г.Ф. Чурсин ишәҟәы "Аҧсны аетнографиазы аматериалқәа" аиҭаҭыжьра; амагниталента иану аматериалқәа ацифратә техникатә риагара; Ҭырқәтәылан аҧсуааи ашәуақәеи ахьынхо аҭыҧқәа рҿы афольклортә експедициақәа ҩба аҭҵаарадрратә семинарқәеи, алекциақәеи, аконференциақәеи.

Ацентр иамоуп ахатәы саит: http://absunartcentr.com/