Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Факультеты

Абиолого-географиатә факультет

1932 шықәса  Аҟәатәи апедагогикатә институт аҿы еиҿкаан агро-биологиатә факультет. Афакультет аиҿкаара рлагала ду алоуп аҵарауаа: апрофессор А.А. Колаковски, адоцент З.М. Ҭарба, адоцент Р.П. Шамба. Аџьынџьтәылатә еибашьраҿы (1992-93 шш.) Абиолого-географиатә факультет астудентцәа: Аӡынба Иура, Лашәриа Олег, Алхас Герзмаа, Цәышба Рустем, Торчуа Генади, Ахба Даур, Еныкь Дмитри, Топуриӡе Леонелла- рыҧсадгьыл ахақәиҭра рхы ақәырҵеит. Хашҭра рықәымзааит Аҧсны афырхацәа! 

Афакультет аструктура шьақәгылоуп акафедрақәа фбеи, аҧсабара амузеи, аҵареи аҧышәареи рбаза «Аӡиас хьшәашәа» рыла. Афакультет аҿы аус руеит  47-ҩык арҵаҩцәа, урҭ рхыҧхьаӡараҿы иҟоуп 6-ҩык аҭҵаара адокторцәа,   26-ҩык анаука акондидатцәа. 
2009ш. инаркны афакультет напхгара азылуеит абиологиатә ҭҵаарадырра ркандидат, адоцент Гәогәуа Марина Лемент-иҧа. 

Афакультет аҿы абарҭ азанааҭқәа рыла аҵара рҵоит 300-ҩык инареиҳаны астудентцәа: «Ахимиа», «Абиологиа», «Агеографиа», «Амедицинатә биологиа», «Аҧсабаратә нхамҩа», «Асоциал культуратә сервиси атуризми», «Атуризм».
2011ш. азы ААУ ахаҧшьгарала Аҧсны агеографцәа реидгыла еиҿкаан. Уи аидгыла дахагылоуп агеографиатә кафедра адоцент Ҭаниа И.В. 

Аекологиеи аҧстәқәеи рморфологиа акафедра аиҳабы, абиологиатә ҭҵаарақәа ркандидат, адоцент Дбар Роман Саид-иҧа инапхгарала араҟа аҵарадырра еиҿкаауп абакалавриат системала, иара убас «абиологиа» азанааҭ, азоологиа аҵаратә усура мҩаҧысуеит амагистратура апрограммала. Аҵарадырра ихадоу ахырхарҭақәа мҩаҧысуеит абарҭ атемақәа рыла: «Кавказ ашьхатә ҭыҧқәа рекологиа» Аҵарадырра ихадоу ахырхарҭақәа мҩаҧысуеит абарҭ атемақәа рыла: «Кавказ ашьхатә ҭыҧқәа рекологиа»; «Абиологиатә еиҧшымзаарақәа (афаунатә, амикологиатә ҭҵаарақәа)»; «Аҧстәқәа реилазаара»; «Аҩнуҵҟатәи аӡқәа ркомплексттә гидробиологиатә ҭҵаарақәа; Аҧсны Амшын Еиқәа иаҵанакуа абиоиндикациеи амониторинги иааҳакәыршо аҧсабареи, рбиологиатә еиҧшымзаарақәа реиқәырхара аус рыдулара».
Агеографиа акафедра еиҿкаан 1938ш. азы. Еиҳабыс дамоуп агеографиатә ҭҵаарақәа ркандидат, адоцент Ҟаитамба Маиа Џьамал-иҧҳа. 

Аҭҵааратә дыррақәа рхырхарҭа: акомплекс, афизика-географиатә иара убас аекономика-географиатә;  Аеколого-географиатә анализ, аҧсабаратә комплексқәа рҽеиҭакрақәа; аполиографиеи аполитологиеи; Аҧсны арекреционтә ресурсқәа;  апроблемеи арҿиаратә ҧеиҧшқәеи Аҧсны асервиси атуризми. 

Афизиологиеи ахимиеи ркафедра еиҿкаан 1981 ш. азы. Акафедра аиҳабы абиологиатә ҭҵаарақәа ркандидат, адоцент Шеремет Ирина Пиотр-иҧҳа .Еиҿылкааит абакалаврцәа разыҟаҵара, ахырхарҭа абиологиа (апрофиль   «Ауааи аҧстәқәеи рфизиологиа). Аҭҵааратә ҭҵаарадыррақәа рхырхарҭақәа: Аҧсны апосттравматикатә синдром аҭҵаара; ақәратә морфологиеи апсихофизиологиеи; ахимиатә кенетика, асубтропикатә ҵиаақәа рефиртә хәшақәа реилазаара аҭҵаара. 

Аекспериминталтә биологиеи амедицинеи ркафедра аҧҵан 1981ш. азы НИИЕПиТ Аҧсны АН. Акафедра аиҳабы амедицинатә азы НИИЕПиТ Аҧсны АН. Акафедра аиҳабы амедицинатә ҭҵаарақәа рдоктор, Аҧсны аҭҵааратә академиа  алахәыла, РАЕН апрофессор Шевцова Зинаида Всеволод-иҧҳа. Имҩаҧысуеит азыҟаҵаратә кадрқәа азанааҭ «Амедицинатә биохимиа» (аквалификациа, аҳақьым биохимик) ала. Аҭҵааратә ҵарадыррақәа рхырхарҭа; авирусологиатә, арадиобиологиатә, абиохимиатә, абиофизикатә ҭҵаарақәа амаамынқәа рҿы; Алабораториатә методқәа рдиагностика ахархәара ҿыцқәа, еиуеиҧшым ачымазарақәа.

 Априкладтә екологиа акафедра еиҿкаан 2000 ш. азы Аҧсны АН агидрофизикатә институт Абазаҿы, еиҳабыс дамоуп афизика-математикатә ҭҵаарақәа рдоктор, Аҧсны аҭҵаарақәа ракадемиа акорреспондент-алахәыла, апрофессор Екба Ианварби Али-иҧа.  Уи азанааҭ «Агеоекологиа» ала азыҟаҵаратә кадрқәа имҩаҧигоит. Аҭҵааратә ҭҵаарадыррақәа рхырхарҭақәа, акарсттә ҟаларақәа ргеофизика аҭҵаара,  адгьыл аҵаҟа иҟои адәнытәи аӡқәа ргеохимиа, адендрохронологиа, адендроклиматологиа ақәа арежими ахимиеи ақалақьқәеи ақыҭақәеи рекологиа.   Абнатә нхамҩеи аботаникатә кафедреи еиҿкаан 2001ш.  азы Аҧсны аҭҵааратә академиа аботаникатә институт аҿы. Акафедра аиҳабы абиологиатә ҭҵаарақәа рдоктор корреспондент алахәыла, Аҧсны АН апрофессор Бебиа Сергеи Михаил-иҧа. 
Абакалаврцәа разыҟаҵара ахырхарҭа еиҿикаауеит – «Абиологиа» (апрофиль «Аботаника»). Аҭҵааратә ҭҵаарадыррақәа рхырхарҭа: афлористика, адендрологиа, аҵиаақәа ринтродукциа, аҵиаақәеи аорганизмқәеи радаптациатә механизмқәа.   Урыстәыла иреҳау аҵараиурҭақәеи аҭҵаарадырратә усбарҭақәеи традициала аимадара рыбжьоуп. Имҩаҧгоуп аҭҵаара-практикатә конференциақәа 3: «Кавказтәи абиологиатә еиҧшымзаарақәа». 2012ш. азы имҩаҧган аҧшьбатәи жәларбжьаратә аҭҵаара-практикатә конференциа «Ашьхатә екосистемақәеи урҭ ркомпонентқәеи». Абиолого-географиатә факультет аушьҭымҭацәа иаадырҧшуеит апрофессионалтә усура, ҳара ҳреспублика азеиҧшратә, аҭҵааратә ҭҵаарадыррақәа аиҿкааратә усбарҭақәа рҟны ихадоу аҭыҧқәа иааныркылоит.