Русская версия

Аԥсны Ареспублика, ақ. Аҟәа, Ауниверситеттә мҩа 1
Адкыларатә комиссиа: +7 (840) 223-10-17; Асекретариат: +7 (840) 223-10-19

Факультеты

Агро-инџьныртә факультет

1994ш-зы ААУ аҟны иаартын агро-инџьныртә факультет. Уи еиднакылоит акафедрақәа хҧа: агрономиа, асубтропикатә технологиа, ақыҭанхамҩатә механизациеи аелектрофикациеи. Афакультет ашьақәгылара аҿы алагала ду ҟарҵеит раҧхьатәи акафедра аиҳабацәа – ақыҭанхамҩатә ҭҵаарақәа ркандидат, адоцент Алан П.Б., атехникатә ҭҵаарақәа ркандидат, адоцент Гьергьиа И.К., атехникатә ҭҵаарақәа ркандидат, адоцент Аветиков М.С. анаҩс акафедра иахагылан ақыҭанхамҩатә ҭҵаарақәа ркандидат, адоцент Котов М., атехникатә ҭҵаарақәа ркандидат, адоцент Џьанашьиа Г.П. Агро-инџьныртә факультет Ареспублика агроаалыхратә сектор азыҳәан иазыҟарҵоит зыквалификациа ҳараку аспециалистцәа. 

2011ш. инаркны афакультет напхгара азылуеит Смыр Р.А. Агрономиа акафедра иаунашьҭуеит асубтропикатә қыҭанхамҩатә наплыхқәа рзыҳәан аусзуҩцәа. Акафедра ихадоу аус ахь иаҵанакуеит ибзианы иазыҟаҵоу аспециалистцәа роужьреи аҭҵаарадырратә усурақәеи рымҩаҧгара. Акафедрақәа рзы ихадоу зҵаарақәаны иҧхьаӡоуп аҭҵаарадырра практикатә зҵаарақәа ирыдҳәалоу аусқәа рымҩаҧгара. Иахьа акафедра напхгаҩыс дамоуп ақыҭанхамҩатә ҭҵаарақәа ркандидат, адоцент Чыкәбар К.Т. 

Акафедра аҟны аус руеит аҧышәа ду змоу арҵаҩцәа апрофессор Ҳәатышь Г.А., адоцент Гарт Л.Е., адоцент Шьынқәба М.Ш. Асубтропикатә технологиеи афатәқәа раалыҵи ркафедра иаунашьҭуеит аалыҵ аус адуларазы аинџьныр-технологцәа. Араҟа иҭырҵаауеит ихадоу, анаукатә усура ҧхасҭада еиҿкаау ипрогрессивтәу атехнологиа, аефирхәшақәеи, ашшахәшақәеи, ашәырҭраҭыхқәеи, ачаи аӡа-маӡақәеи аус рыдулара ирыдҳәалоу, ахырхарҭақәа. Акафедра напхгара азиуеит атехникатә ҭҵаарақәа ркандидат, адоцент Шьакаиа Н.И. Ақыҭанхамҩатә механизациа акафедра иаунашьҭуеит инарҭбаау апрофель змоу аинџьныр-механикцәа. Асубтропикатә ҵиаақәа ркафедра иҭнаҵаауеит амеханизациа аларҵәара аус аиӷьтәразы ашьақәыргылареи. Акафедра напхгара азылуеит адоцент Ладариа А.И. Аенергетикатә система акафедра иаунашьҭуеит аинџьныр-електрик ҳәа аквалификациа змоу аспециалистцәа. Акафедра аҭҵааратә хырхарҭаны ишьҭнахит аиновациатә метод ҿыцқәеи, Аҧсны агидроенергетика аиҿкаареи аҿиареи, иара убас итрадициам амчра ахыҵхырҭа аҭҵаареи. Акафедра аиҿкаараҿы илагала дууп Аҧсны зҽаҧсазтәыз аинџьныр, акафедра адоцент Кимкетов М.Д. 1994-2012ш. апериод иалагӡаны афакультет иазыҟанаҵеит 800-ҩык инареиҳаны аспециалистцәа. 

Уажәазы АИФ аҟны аҵара рҵоит 300-ҩык инарзынаҧшуа астудентцәа. Афакультет аҿы аус руеит ҩыџьа апрофессорцәа, 14 -ҩык адоцентцәа, 16- ҩык арҵаҩ еиҳабацәа, иара убас аҧышәа ду змоу аусзуҩцәа. Аҵыхәтәантәи ашықәсқәа рзы иҭыжьуп 2-монографиак, ацхыраагӡатә шәҟәқәа 4, 12-методикатә усумҭа, икьыҧхьуп 40 статиа инарзынаҧшуа. Афакультет аус ауеит еуеиҧшым аҵара методикатә ҿыцқәа инарықәыршәаны. Иреиҳау адҵақәа рахь иаҵанакуеит 2– шьаҭак рыла ишьақәгылоу асистемала акадырқәа разыҟаҵара. Иҿыцу аҵарадырра асистемахь аиасра амҩаҧгара иалагоит иааиуа аҵара ашықәс ҿыц иаркны. Агро-инџьныртә факультети Урыстәылатәи аҵараиурҭеи аимадара бзиа рыбжьоуп.